سنە؛ دەسبەسەرکرانی ڕاهێنەرێکی تۆپی پێ لەلایەن هێزە ئەمنییەتییەکانەوە
10:56 - 17 رێبەندان 2722
ڕۆژی چوارشەممە ١٢ی ڕێبەندان، پوویا ڕۆستەمی‌پوور تەمەن ٣٢ ساڵ و ڕاهێنەری تۆپی پێ و دەرچووی بیوشیمیی زانکۆی ئازادی سنە، لەلایەن هێزەکانی ئیتلاعاتی سپاوە دەسبەسەر کرا و بۆ گرتنگەی ئەمنییەتیی شارام‌فەر ڕاگوێزرا.
هێزە ئەمنییەتییەکان بەبێ بەڵگەی یاسایی ئەو هاووڵاتییە کوردەیان لە ناو ماشینەکەی خۆیدا دەسبەسەر کردبوو.
هیزە ئەمنییەتییەکان پاش دەسبەسەرکردنی پوویا ڕۆستەمی‌پوور هێرشیان کردووەتە سەر ماڵەکەی و پاش پشکنینی ماڵەکەی، دەستیان بە سەر کامپیوتێر و هێندێک کەرەستەی ئەلێکترۆنیکی ناوبراودا، گرتووە.
هەتا کاتی بڵابوونەوەی ئەم هەواڵە، لە هۆکاری دەسبەسەرکران و تۆمەتی وەپاڵدراو دژی ئەو هاووڵاتییە زانیارییەک لەبەر دەستدا، نییە.
