هاووڵاتییەکی خەڵکی دێولان لە زیندانی سنە لە سێدارە درا

11:20 - 8 رەشەمه 2722

ڕۆژی یەکشەممە ٧ی ڕەشەمە، حوکمی لەسێدارەدانی زیندانییەک بە ناوی "حەمید ڕەحیمی" خەڵکی شاری دێولان، لە زیندانی ناوەندیی سنە، جێبەجێ کرا.

ئەو زیندانییە ساڵی ٨٩ بە تۆمەتی "کوشتنی بەئەنقەست" دەسبەسەر و دواتر لەلایەن دەزگای دادوەرییەوە بە ئێعدام مەحکووم کرابوو.

هەتا ئێستا هەواڵی لەسێدارەدرانی ئەو زیندانییە، لەلایەن سەرچاوە فەرمییەکان و میدیاکانی حکوومەتەوە، ڕانەگەیەندراوە.

لەو پەیوەندییەدا، سەرلەبەیانیی ڕۆژی چوارشەممە ٣ی ڕەشەمە، حوکمی لەسێدارەدرانی زیندانییەک بە ناوی "محەممەدڕەسووڵ چولەکی" خەڵکی شاری ئەیوانغەرب لە زیندانی ئیلام، جێبەجێ کرا.