کەوسەر خوشنوودی‌کیا: ئامانجی زۆرم هەیە و بۆ گەیشتن بە ئامانجەکانم هەوڵی زۆرتر دەدەم
کەوسەر (مەهبانوو) خوشنوودی‌کیا، نایب قارەمانی کێبڕکێی تیرهاویشتن بە کەوانی ئاسیا، کە بەهۆی تەقەی هێزە سەرکوتکەرەکان بینایی چاوی چەپی لەدەست دابوو، لە نوێترین پۆستی ئینستاگرامی خۆیدا نووسیوویەتی: "سپاس لەوەیکە نیگەرانی من بوون، باری تەندروستیم باشە و بەردەوام بیر لە ژیانێکی باشتر دەکەمەوە، ئامانجی زۆرم هەیە و بۆ گەیشتن بە ئامانجەکانم زیاتر لە پێشوو هەوڵ دەدەم".
ئەو وەرزشوانە دواتر بە ئاماژە بە وێنەیەک کە بڵاوی کردووەتەوە، لە درێژەدا دەڵێت: "وێنەکە سێلفی گیراوە و لە بیر کراوە کە پێچەوانەوە ببێتەوە...."
کەوسەر (مەهبانوو) خوشنوودی‌کیا، قارەمانی کێبڕکێی تیرهاویشتن بە کەوانی ئاسیا، لە ڕێکەوتی ١٨ی سەرماوەز، لە ڕەوتی ناڕەزایەتییەکانی کرماشان بەهۆی تەقەی هێزە ئەمنیەتییەکان، چاوی بریندار بووە و بینایی چاوی چەپی لەدەست دابوو.
کەوسەر خوشنوودی‌کیا، ئەندامی تیمی میللیی کامپووندی ژنان و قارەمانی کێبڕکێکانی کامپووندی ئاسیا، لە ساڵی ١٤٠٠ بووە.
