هاووڵاتییەکی سەردەشتی لەلایەن هێزە ئەمنییەتییەکانەوە دەسبەسەر کرا
10:41 - 5 رێبەندان 2722
سەرلەبەیانیی ڕۆژی سێشەممە ٤ی ڕێبەندان، هاووڵاتییەکی کورد بە ناوی "عوسمان پەردەدار" خەڵکی سەردەشت، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بەوتەی سەرچاوەیەکی ئاگادار، هێزە ئەمنییەتییەکان بەبێ بەڵگەی یاسایی هێرشیان بردبووە سەر ماڵی ئەو هاووڵاتییە و لە ماڵەکەی خۆیدا، دەسبەسەریان کردبوو.
ئەو سەرچاوەیە هەروەها دەڵێت: هێزە ئەمنییەتییەکان لە کاتی دەسبەسەرکرانی ئەو هاووڵاتییەدا چاوی ناوبراویان بەستووە.
هەتا کاتی بڵابوونەوەی ئەم هەواڵە، لە هۆکاری دەسبەسەرکران و تۆمەتی وەپاڵدراو دژی ئەو هاووڵاتییە، زانیارییەک لەبەر دەستدا، نییە.
