وەرزشوانێکی کامێرانی لەلایەن هێزە ئەمنییەتییەکانەوە دەسبەسەر کرا
ڕۆژی چوارشەممە ٢٨ی بەفرانبار، حەیدەر ئیبراهیمی، وەرزشوان و دەرگاوانی ساڵۆنی کوشتنی کامێران، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار، ڕاگوێزرا.
بەوتەی سەرچاوەیەکی ئاگادار، هێزە ئەمنییەتییەکان ئەو وەرزشوانە کوردەیان بەهۆی بەشداری لە خۆپیشاندانەکان دەسبەسەر کردووە.
ئەو سەرچاوەیە هەروەها ئەوەشی خستەڕوو: پاش گوشاری ناوەندە ئەمنییەتییەکان لە سەر ئەو وەرزشوانە کوردە، ناوبراو لە خانەی کوشتی کامێران دەر کراوە و پاش دەرکرانی ئەو وەرزشوانە کوردە، لە ڕێکەوتی ١٨ی بەفرانبار، ئەندامانی هەیئەتی کوشتیی کامێران لە نامەیەکدا، بۆ سەرۆکایەتیی ئیدارەی وەرزش و لاوانی ئەو شارە، بە نیشانەی ناڕەزایەتی لە دەرکردنی حەیدەر ئیبراهیمی، دەست لەکار کێشانەوە و هاوکاری نەکردنیان لەگەڵ ئەو ئیدارەی، ڕاگەیاند.
هەتا کاتی بڵابوونەوەی ئەم هەواڵە، لە چارەنووس و شو‌ێنی ڕاگیرانی حەیدەر ئیبراهیمی، زانیارییەک لەبەر دەستدا، نییە.
