دەسبەسەری دوو هاووڵاتیی دیکە لە شاری بۆکان
ڕۆژی یەکشەممە ٢٥ی بەفرانبار، دوو هاووڵاتی بە ناوەکانی "مەسعوود دارسەنج" و "تەوفیق ڕەسووڵی" خەڵکی شاری بۆکان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار، ڕاگوێزران.
بەوتەی سەرچاوەیەکی ئاگادار، ئەو دوو هاووڵاتییە بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر کراون.
ئەو سەرچاوەیە هەروەها ئەوەشی خستەڕوو: هێزە ئەمنییەتییەکان کەرەستەی کەسیی وەک مۆبایل و لەپتابی ئەو دوو هاووڵاتییە کوردەیان، لەگەڵ خۆیان بردووە.
هەتا کاتی بڵابوونەوەی ئەم هەواڵە، لە هۆکاری دەسبەسەری و تۆمەتی وەپاڵدراو دژی ئەو دوو هاووڵاتییە، زانیارییەک لەبەر دەستدا، نییە.
لەو پەیوەندییەدا، ڕۆژی یەکشەممە ٢٥ی بەفرانبار، سێ هاووڵاتی بە ناوەکانی "عەلی گوڵمحەممەدی"،"وەلی گوڵمحەممەدی" و "سامان مەنگوڕ" خەڵکی شاری بۆکان، لەلایەن هێزە ئەمنییەتییەکانەوە دەسبەسەر کراون و بۆ شوێنێکی نادیار ڕاگوێزراون.
