کۆڵبەرێک بەهۆی بەربوونەوە لە بەرزایی گیانی لەدەست دا
17:23 - 15 بەفرانبار 2722
ئێوارەی ڕۆژی چوارشەممە ١٤ی بەفرانبار، کۆڵبەرێک بە ناوی "ئارام محەممەدی" تەمەن ٣٥ ساڵ خەڵکی شاری سەوڵاوا، بەهۆی بەربوونەوە لە بەرزایی لە سنووری نەوسوود، گیانی لەدەست دا.
ئەو کۆڵبەرە لە بەرزایییەکانی "سۆفی جانە"ی نەوسوود تووشی ئەو ڕووداوە هاتبوو و گیانی لەدەست دابوو.
بەپشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆیی کوردپا لە ساڵی ٢٠١٢ هەتا ساڵی ٢٠٢٢، سەرجەم ١٨٤٩ کۆڵبەر لە سنوورەکانی کوردستان کوژران و بریندار کراون.
