ئەمریكا خوازیاری ئازادیی هەموو زیندانیانی سیاسیی ئێرانە

14:20 - 29 پووشپەڕ 2712
مافی مرۆڤ
ئاژانسی كوردپا: وەزارەتی دەرەوەی ئەمریكا لە بەیاننامەیەكدا، باسی خراپیی رەوشی دوو زیندانیی سیاسیی ئێران، محەممەدسدیق كەبوودوەند و نەرگس محەممەدی كردووە.

بەپێی راپۆرتی رادیۆ ئورووپای ئازاد، ویكتۆریا نولاند وتەبێژی وەزارەتی دەرەوەی ئەمریكا لە بەیاننامەیەكدا داوای لە ئێران كردووە هەرچی خێراتر هەموو زیندانیانی سیاسی ئازاد بكات و پابەندی بەڵێنییەكانی لەمەڕ گەرەنتیی ئازادیی رادەربڕین، دین و مافی كۆبوونەوە و دەربڕێنی ناڕەزایەتی بێت.

لە رۆژانی رابردووشدا سێ‌ رێكخراوی نێودەوڵەتیی داكۆكیكاری مافی مرۆڤ لە بەیاننامەیەكی هاوبەشدا داوایان لە ئێران كردوووە كە محەممەدسدیق كەبوودوەند و نەرگس محەممەدی دەستبەجێ‌ و بێ‌ مەرج ئازاد بكرێن.

محەممەدسدیق كەبوودوەند زیندانیی سیاسیی كورد و چالاكی مافی مرۆڤ لە ناڕەزایەتی بە پشت گوێ‌ خستنی ویست و داخوازییەكانی و هەڵاواردن لەنێو زیندانیان و هەروەها پێشگیری لە مەرەخەسی، لە رێكەوتی 6ی جۆزەردانەوە مانی لە خواردن گرتووە و لە رەوشێكی خراپی جەستەیی دایە.
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا
10:56 - 5 سەرماوەز 2724
مەیسەم نووری، بەندکراوی خەڵکی قوروە لە بەندیخانەی هەمەدان لە سێدارە درا