ئەدیبێکی کوردی ناوچەی موکریان کۆچی دوایی کرد+وتووێژ
17:02 - 11 بانەمەڕ 2714
ئاژانسی کوردپا: مەلا مستەفای رەشیدی ئەدیب و نووسەری کوردی خەڵکی شاری بۆکان بە هۆی نەخۆشییەوە کۆچی دوایی کرد.
بەپێی راپۆرتی ئاژانسی هەواڵدەریی کوردپا، شەوی رابردوو مەلا مستەفای رەشیدی ناسراو بە مەلا مستەفای زاواکێو پاش تەمەنێک لێکۆڵینەوە و نووسین لە بواری ئەدەب و فۆلکلۆری کوردیدا، لە نەخۆشخانەیەکی شاری تاران ماڵئاوایی لە ژیان کرد.
ئەمین گەردیگلانی شاعیر و نووسەری کورد لە لێدوانێکدا بۆ ئاژانسی کوردپا سەبارەت بە کەسایەتی مەلا مستەفای زاواکێو دەڵێت؛ مامۆستا لە گوندی ئاختەتەری شاری بۆکان لەدایک بووە و ماوەی ٣١ ساڵ، کە لە گوندی زاواکێوی بۆکان ماوەتەوە، بە مەلا مستەفای زاواکێو ناوبانگی دەرکردووە.
![\"19731.jpg\"](\"{imagepath}/19731.jpg\")
گەردیگلانی کە لە نزیکەوە مەلا مستەفای زاواکێوی ناسیوە دەڵێت: مامۆستا کە لە حوجرەی فەقێیان دەرسی خوێندووەو شارەزاییەکی باشی لە جوغرافیادا هەبووە و بەهۆی گەڕیدە بوونییەوە یەکەم کەس بووە لە ناو کوردا سەفەرنامەی نووسیوە.
سەبارەت بە کتێبی هەگبەی بنار گوتیشی؛ باسی فۆلکلۆر مێژووی ئاشی ئاوی لە ئێران، راوی شەوارە و راوە کەروێشک دەیان شتی فۆلکلۆری کوردی و هەروەها شوێنە مێژوویی و جوغرافیاییەکانی کوردستانی کردووە.
مەلا مستفەیا زاواکێو ساڵی ١٣٢٣ لە گوندی ئاختەتەری نزیک شاری بۆکان لە دایک بووەو سەرئەنجام پاش تەمەنێک لێکۆڵینەوەو نوسین لەسەر ئەدەب و فۆلکلۆری کوردی شەوی رابردوو رێکەوتی ١١ی بانەمەڕ لە نەخۆشخانەیەکی شاری تاران کۆچی دوایی کرد.
بەپێی راپۆرتی ئاژانسی هەواڵدەریی کوردپا، شەوی رابردوو مەلا مستەفای رەشیدی ناسراو بە مەلا مستەفای زاواکێو پاش تەمەنێک لێکۆڵینەوە و نووسین لە بواری ئەدەب و فۆلکلۆری کوردیدا، لە نەخۆشخانەیەکی شاری تاران ماڵئاوایی لە ژیان کرد.
ئەمین گەردیگلانی شاعیر و نووسەری کورد لە لێدوانێکدا بۆ ئاژانسی کوردپا سەبارەت بە کەسایەتی مەلا مستەفای زاواکێو دەڵێت؛ مامۆستا لە گوندی ئاختەتەری شاری بۆکان لەدایک بووە و ماوەی ٣١ ساڵ، کە لە گوندی زاواکێوی بۆکان ماوەتەوە، بە مەلا مستەفای زاواکێو ناوبانگی دەرکردووە.
مەلا مستەفای زاواکێو یەکەم کەس بووە، کە لە ناو کوردا سەفەرنامەی نووسیوە
مەلا مستەفای رەشیدی دوو بەرهەمی بەناوەکانی هەگبەی بنار و لێکۆڵینەوە لەسەر دیوانی شێعریی ئەحمەدی کۆر چاپ کردووە و هەروەها کتێبێکی لەسەر کەسایەتییە ئایینی و کۆمەڵایەتییەکانی کوردی ناوچەی موکریان ئامادەی چاپ کردووە و هەنووکە لە بنکەی هەنار لەژێر لە شاری سلێمانی لەژێر چاپ دایە.گەردیگلانی کە لە نزیکەوە مەلا مستەفای زاواکێوی ناسیوە دەڵێت: مامۆستا کە لە حوجرەی فەقێیان دەرسی خوێندووەو شارەزاییەکی باشی لە جوغرافیادا هەبووە و بەهۆی گەڕیدە بوونییەوە یەکەم کەس بووە لە ناو کوردا سەفەرنامەی نووسیوە.
سەبارەت بە کتێبی هەگبەی بنار گوتیشی؛ باسی فۆلکلۆر مێژووی ئاشی ئاوی لە ئێران، راوی شەوارە و راوە کەروێشک دەیان شتی فۆلکلۆری کوردی و هەروەها شوێنە مێژوویی و جوغرافیاییەکانی کوردستانی کردووە.
مەلا مستفەیا زاواکێو ساڵی ١٣٢٣ لە گوندی ئاختەتەری نزیک شاری بۆکان لە دایک بووەو سەرئەنجام پاش تەمەنێک لێکۆڵینەوەو نوسین لەسەر ئەدەب و فۆلکلۆری کوردی شەوی رابردوو رێکەوتی ١١ی بانەمەڕ لە نەخۆشخانەیەکی شاری تاران کۆچی دوایی کرد.
