گرووپی هەڵپەڕکێی \"چیا\" لە سەقز دیپلۆمی شانازیی بەدەست هێنا

ئاژانسی کوردپا: لە فێستیڤاڵی نێونەتەوەیی موسیقا و هەڵپەڕکی لە وڵاتی ئەرمەنستان، گرووپی هەڵپەڕکێی \"چیا\"ی شاری سەقز شانازیەکی دیکەی تۆمار کرد.

بەپێی هەواڵی گەیشتوو بە ئاژانسی هەواڵدەریی کوردپا، لە فێستیڤاڵی گرووپی موسیقا و هەڵپەڕکێ لە وڵاتی ئەرمەنستان، گرووپی چیا سەرکەوتنی بەدەست هێنا.

لەو فێستیڤاڵەدا کە لە وڵاتی ئەرمەنستان بەڕێوەچوو ٣٠ گرووپی تێدا بەشدار بوون.

گرووپی هەڵپەڕکێ چیای شاری سەقز توانی بە نمایش کردنی چەند برگەیەکی هەڵپەڕکێی کوردی دیپلۆمی شانازی لە لایەن لێژنەی داوەرانی ئەو فێستیڤاڵەوە بەدەست بێنن.

لێژنەی داوەران پاش ئیمتیازبەندی گرووپەکانی بەشداری ئەو فێستیڤاڵە، لەوحی ڕێزلێنان و دیپلیمی شانازییان پێشکەش بەو گرووپە کرد.