کەمتەرخەمیی بەرپرسانی حکوومەتی و راگیرانی پرۆژە خزمەتگوزارییەکان + وێنــە

ئاژانسی کوردپا: پرۆژی دیوار کردنی قەراخ چۆمی نێو شاری چاڵدوران کە چەند ساڵ پێش ئێستا چووە قۆناخی جێبەجێ کردنەوە، ماوەی چەندین ساڵە بە یوە چڵی ماوەتەوە.

بەپێی راپۆرتی ئاژانسی هەواڵدەریی کوردپا، رەوتی دروست کردنی پرۆژی دیوارکردنی قەراخ چۆمی چاڵدوران کە بەمەبەستی کەم کردنەوەی زیانەکانی لافاو بۆسەر زەوی و زاری وەرزێڕانی ناوچەی چاڵدوران چووە قۆناخی درووست کردنەوە، چەندین ساڵە راگیراوە.

هاوکات بڕیار بوو لەسەر ئەو چۆمە پردێک دروست بکرێت، بەڵام تەنیا بناغەکەی داندراوە.
دەگوترێ ئەو پرۆژەیە لەلایەن سەرکۆماری ئێراەوە بڕیاری دروست کردنی درابوو، بەڵام هەتا ئێستا هیچ پێشکەوتنێکی بەخۆیەوە نەبینیوە.

هاووڵاتییانی شاری چاڵدوران بەمەبەستی وەگەر کەتنەوەی ئەو پرۆژەیە چەندین جار سەردانی فەرمانداریی ئەو شارەیان کردووە، بەڵام فەرماندار، پەیمانکاری ئەو پرۆژەی وەک هۆکاری راگیرانی پرۆژەکە لەقەڵەم داوە.

لەلایەکی دیکەوە لە زۆربەی شوێنەکاندا دیواری پێشووی ئەو چۆمە هەرەسی هێناوە و هەڕەشە لە گیانی هاووڵاتییان و دانیشتوانی دەوروبەری چۆمەکە دەکات.