٢٥٢ کەس لە ٦ مانگی یەکەمی ئەمساڵدا لە کوردستانی ئێران دەسبەسەر کراون

بەپێی ئاماری تۆمارکراو لە ناوەندیی ئاماریی ڕێکخراوی مافی مرۆڤیی کوردپا، لە ماوەی ٦ مانگی یەکەمی ساڵی ١٣٩٩دا، سەرجەم ٢٥٢ هاووڵاتی لە کوردستانی ئێران دەسبەسەر کراون.

٢٢٦ کەس لەو دەسبەسەرکراوانە لەو ماوەیەدا، لەلایەن هێزە ئەمنییەتییەکانەوە دەسبەسەر کراوە.

٢٦ کەس بۆ تێپەڕاندنی ماوەی زیندانییەکەیان دەسبەسەر و ڕەوانەی زیندان کراون.

جیاکردنەوەی ئەم ئامارەی خوارەوە باس لە ٢٢٦ حاڵەتی دەسبەسەرکردن لە ماوەی ٦ مانگی یەکەمی ساڵی ١٣٩٩ دەکات.

هۆکار و چۆنییەتی دەسبەسەرکردنی هاووڵاتییان:

دەسبەسەرکردن لەلایەن هێزە ئەمنییەتییەکانەوە: ١٩٥ حاڵەت

دەسبەسەرکردن لەلایەن هێزە نیزامییەکانەوە: ٢٦ حاڵەت

دەسبەسەرکردن لەلایەن هێزە لیباس شەخسییەکانەوە: ١ حاڵەت

ناڕوونیی چارەنووس و شوێنی ڕاگرتنی دەسبەسەرکراوەکان: ١٩٤ حاڵەت

پشکنینی ماڵی هاووڵاتییان: ٢٧ حاڵەت

هێرش و تێکدانی ماڵی هاووڵاتییان: ٤٦ حاڵەت

دەسبەسەرداگرتنی کەرەستەی شەخسیی هاووڵاتییان: ١٦ حاڵەت

لێدان و ئازار و ئەشکەنجەی هاووڵاتییان لەلایەن هێزە ئەمنییەتییەکان: ٩ حاڵەت

برینداربوونی هاووڵاتییان لە کاتی دەسبەسەری: ٣ حاڵەت

تۆمەتی‌وەپاڵدراوی هاووڵاتییان لە کاتی دەسبەسەریدا:

هاوکاری لەگەڵ حیزبە کوردییەکان: ٣١ حاڵەت

کۆڵبەری و تێپەڕین لە سنوور: ٨ حاڵەت

چالاکی مەزهەبی: ٨ حاڵەت

ڕەخنەگرتن لە کۆماری ئیسلامی و بەرپرسانی حکوومەتی: ٧ حاڵەت

چالاکیی حیزبە کوردییەکان لە گوندەکانیان: ٤ حاڵەت

ڕاگرتنی ئاڵای کوردستان: ٣ حاڵەت

بەشداری لە ڕێوڕەسمی بە خاکسپاردنی گیان لەدەستداوانی مانگی خەزەڵوەر:٢ حاڵەت

تۆمەتی ئەمنییەتی:١حاڵەت

بڵاوکردنەوەی هەواڵی پەیوەندییدار بە ڤایرۆسی کۆرۆنا: ١حاڵەت

هاوکاریکردنی هەڵاتووانی زیندانی سەقز:  ١حاڵەت

پێشگیری لە بەڕێوەچوونی ڕێوڕەسمی گیان لەدەستداوانی ژینگەپارێزی: ١حاڵەت

بەشداری لە ڕێوڕەسمی گیان لەدەستداوانی ژینگەپارێزی: ٢ حاڵەت

بێڕێزی بە پیرۆزییەکان: ١ حاڵەت

بانگەشە بۆ کۆبوونەوەی ناڕەزایەتی لە فەزای مەجازی: ١حاڵەت

ڕەخنە لە دۆخی خراپی ئابووری و حوکمی ئێعدامی ٣ لاوی ناڕازی: ١حاڵەت

شەڕ و دەمەقاڵێ سەبارەت بە پرسی بزووتنەوەی کوردستان لەگەڵ یەکێک لە بەرپرسانی پادگان: ١ حاڵەت

گۆڕینی دین: ٢ حاڵەت

کاسبکار لە سنوورەکان: ٣ حاڵەت

بەشداری لە کۆبوونەوەی ناڕەزایەتی لە بەرانبەر کۆنسولگەریی ئازەربایجان: ٢ حاڵەت

چالاکی بیاڤی ژمارەیەک لەو کەسانە کە ڕوون بووەتەوە:

چالاکانی سوننی مەزهەب: ١٦کەس

چالاکانی مەدەنی: ١٣کەس

کۆڵبەر: ٨ کەس

چالاکانی ژینگەپاڕێزی: ٤ کەس

چالاکانی تۆڕە کۆمەڵایەتییەکان: ٤ کەس

ڕۆژنامەنووس: ٤کەس

لێکۆڵەر و نووسەر: ٣ کەس

پارێزەر: ٣ کەس

ئەندامی مەکتەب قورئان: ٣ کەس

سەرباز: ٣ کەس

ئەندامانی شورای گوندەکان: ٣ کەس

کاسبکار: ٣ کەس

شاخەوان: ٢ کەس

گۆڕینی دین: ٢ کەس

وەرزشوان: ١ کەس

هونەرمەندی و ژەنیار: ١ کەس

چالاکێکی مافی ژنان: ١کەس

ئەندامی بەرەی یەکگرتووی کورد: ١ کەس

هونەرمەند: ١ کەس

هەواڵنێری دەنگ و ڕەنگی کۆماری ئیسلامی: ١ کەس

ناوەندیی ئاماری ڕێکخراوی ئاژانسی مافی مرۆڤیی کوردپا

ئامادەکردنی: ئەوین مستەفازادە