کۆڵبەرێک لە سنووری نەوسوود بە تەقەی هێزە نیزامییەکان بریندار کرا

ئێوارەی ڕۆژی دووشەممە ١٠ی گەلاوێژ، کۆڵبەرێک بە ناوی "محەممەد قادری" کوڕی عەلی و دانیشتووی شارەکی "زیارەت تەمەرخان"ی سەلاسی باوەجانی، لە سنووری نەوسوود بە تەقەی هێزە نیزامییەکانی حکوومەت، پێکرا.

هێزە نیزامییەکان لە مەودایەکی کورت و بەبێ ئاگادارکردنەوەی پێشوو، تەقەیان لەو کۆڵبەرە کردووە.

ئەو کۆڵبەرە لەو ڕووداوەدا لاق، شان و پشتی پێکراوە و بۆ چارەسەریی پزیشکی ڕەوانەی ناوەندی دەرمانی کراوە.