کۆڵبەرێکی دیکە بە گولـلەی ساچمەیی لە سنووری نەوسوود بریندار بوو

ڕۆژی چوارشەممە ١ی پووشپەڕ، کۆڵبەرێکی کورد بە ناوی "مەحموود شەمسی‌نژاد" خەڵکی گوندی "جۆڵاندێـ"ـی شاری سەوڵاوا بەهۆی تەقەی هێزە نیزامییەکان لە سنووری نەوسوود پێکرا.

هێزە نیزامییەکان لە مەودایەکی کورت و بە بێ ئاگادارکردنەوەی پێشوو تەقەیان لەو کۆڵبەرە لەگەڵ ژمارەیەک لە کۆڵبەران کردبوو.

ئەو کۆڵبەرە لەو ڕووداوە شوێنی زیاتر لە ١٠ گولـلەی ساچمەیی لەسەر جەستەی دیار بووە و ناوبراو بۆ چارەسەری پزیشکی ڕەوانەی ناوەندی دەرمانی کراوە.

مەحموود شەمسی‌نژاد خێزاندار و باوکی دوو منداڵە.

لەو پەیوەندییەدا، ڕۆژی سێشەممە ٣١ی جۆزەردان کۆڵبەرێکی تەمەن ١٧ ساڵ بە ناوی "سوهەیب قەیتۆڵی" خەڵکی جوانڕۆ،بەهۆی لێدان و ئەشکەنجە هێزە نیزامییەکان لە سنووری نەوسوود بریندار کرابوو.