چالاکێکی ژینگەیی لە مەریوان لەلایەن هێزە ئەمنییەتییەکانەوە دەسبەسەر کرا
12:04 - 18 جۆزەردان 2722
ڕۆژی سێشەممە ١٧ی جۆزەردان، "ڕێبوار مەحموودی" چالاکی ژینگەیی خەڵکی شاری مەریوان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان بەبێ بەڵگەی یاسایی ئەو هاووڵاتییە تەمەن ٢٩ ساڵەیان دەسبەسەر کردووە.
هەتا کاتی بڵاوبوونەوەی ئەم هەواڵە، لە هۆکاری دەسبەسەرکردن و تۆمەتی وەپاڵدراو دژی ناوبراو، زانیارییەک لەبەر دەستدا نییە.
