چارەنووسی هاووڵاتییەکی کورد لە گرتنگەی ئیتلاعاتی سپای پاسداران ناڕوونە

هاووڵاتییەکی کورد بە ناوی "محەممەد ئیبراهیم ‌زادە" خەڵکی گوندی "خورینجـ"ـی شاری پیرانشار، ماوەی دوو مانگە لە گرتنگەکانی سپای پاسداران لە شارەکانی نەغەدە و ورمێ چارەنووسی ناڕوونە.

ئەو هاووڵاتییە کوردە، ڕێکەوتی ١١ی ڕەشەمەی ساڵی ٩٨ لەلایەن هێزە ئەمنییەتییەکانەوە دسبەسەر کرا و بۆ گرتنگەی ئیتلاعاتی سپای پاسداران لە نەغەدە و دواتر بۆ گرتنگەی سپای ئەلمەهدیی ورمێ ڕاگوێزرابوو.

ئەو هاووڵاتییە کوردە لە ماوەی دەسبەسەرکرانیدا، لە چاوپێکەوتن لەگەڵ  بنەماڵەکەی و دەستپێڕاگەیشتن بە پارێزەر بێبەری بووە.

‌هێزە ئەمنییەتییەکان ئەو هاووڵاتییە کوردەیان بە تۆمەتی "هاوکاری لەگەڵ یەکێک لە حیزبە کوردییەکانی دژبەری حکوومەتی ئێران" دەسبەسەر کردووە و لە کاتی دەسبەسەریدا دەستیان بەسەر هەندێک کەرەستەی کەسیی ناوبراودا گرتووە.