پەیکەرەی مامۆستا قانع لە مەریوان نێژرا
15:37 - 4 بانەمەڕ 2716
ئاژانسی کوردپا: هونەرمەندێکی پاوەیی بە ناشتنی پەیکەرەی شاعیرێکی کورد، ناڕەزایەتی بەرانبەر بە کاربەدەستانی مەریوان نیشاندا.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی ڕابردوو، هونەرمەند بەشیر ناسری وەک ناڕەزایەتی دەربڕینێک بەرانبەر بە کردەوەکانی تایبەت بە جوانیناسیی و \"ڕازاندنەوەی شار\" لە مەریوان، پەیکەرەی مامۆستا قانع( ١٨٩٨ ــ ١٩٦٥)ـی کردە ژێر خاکەوە.
ڕازاندنەوەی شار(مبلمان شهری) بە سەرجەمی ئەو کەرەستە، کەلوپەل، هێما، دەزگا، فەزا و ئەو توخمانە دەوترێت کە لە شەقام و شوێنە گشتییەکان بۆ کەڵکی گشتیی دانراون.
![\"\"](\"http://www.kurdpa.net/wenekan/2016-04/778499-a1f2d59387e75cd2ef0396111952444d.jpeg\")
ئەو هونەرمەندە، هاوکات لەگەڵ ناشتنی پەیکەرەی قانعی شاعیر، نەمامێکی لەگەڵ چاندووە و پێشکەشی خاکی مەریوانی کردووە.
سەبارەت بەو کارە، بەشیر ناسری لە لاپەڕەی فەیسبووکی خۆیدا نووسیویەتی: \"دوو ساڵە پەیکەرەی شاعیری مەزنی کورد، \"مامۆستا قانع\"ـم تاشیوە و بەتەما بووم بە تێچووی خۆمەوە بیگوازمەوە بۆ مەریوان، لەبەر ئەوەیکە هەرجار دیمەنی ناحەز و پەیکەرەی نەگونجاوم لەو شارە دەبینی\".
ناوبراو لە درێژەدا، بەرپرسانی حکوومەتی و بەتایبەتی شارەوانیی مەریوانی بە \"کەمتەرخەم\" لەهەمبەر هونەرمەندانی ئەو شارە لەقەڵەم دەدات و ئەو دۆخە بە \"کارەسات\" ناودەبا.
پێشتر و لە کۆتاییەکانی ساڵی ١٣٩٣ هەتاوی، یەکێ لە هونەرمەندانی بۆکان بەناوی کەماڵ عەزیزی لە هەڵوێستێکی هاوشێوەدا، \"ماكت\"ی تەختی سلێمانی لە بەر چاوی گشتی ئاگر تێبەردا.
هونەرمەند بەشیر ناسری لەدایکبووی گوندی \"خانەگا\"ـی سەربە پاوەیە و خوێندنی لە بواری هونەر لە زانستگەی هونەری تاراندا تەواو کردووە و ماوەی چەندین ساڵە لە بواری شێوەکاریدا، چالاکی دەکات و خاوەنی چەندین بەرهەمی هونەرییە کە گرینگترینیان بریتین لە؛ سەرديسی هونەرمەندان مەزهەر خالقی، شێرکۆ بێکەس، خاڵۆ حسەین کۆهکەن، مامۆستا هەژار، مەولەویی کورد و ...هتد.
تا ئێستا ٢ بەرهەم لە پەیکەرەکانی بەشیر ناسری، کە بریتین لە پەیکەرەکانی مەولەویی کورد و میرزا عەبدولقادر پاوەیی، لە گۆڕەپانەکانی شاری پاوەدا دانراون.
لینكی پێوەندیدار:
بۆكان/ هونەرمەندێکی کورد یەكێک لەبەرهەمە بەنرخەكانی سووتاند
پەیکەرێک بۆ پیرەمێرد لە پاوە ساز کرا
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی ڕابردوو، هونەرمەند بەشیر ناسری وەک ناڕەزایەتی دەربڕینێک بەرانبەر بە کردەوەکانی تایبەت بە جوانیناسیی و \"ڕازاندنەوەی شار\" لە مەریوان، پەیکەرەی مامۆستا قانع( ١٨٩٨ ــ ١٩٦٥)ـی کردە ژێر خاکەوە.
ڕازاندنەوەی شار(مبلمان شهری) بە سەرجەمی ئەو کەرەستە، کەلوپەل، هێما، دەزگا، فەزا و ئەو توخمانە دەوترێت کە لە شەقام و شوێنە گشتییەکان بۆ کەڵکی گشتیی دانراون.
ئەو هونەرمەندە، هاوکات لەگەڵ ناشتنی پەیکەرەی قانعی شاعیر، نەمامێکی لەگەڵ چاندووە و پێشکەشی خاکی مەریوانی کردووە.سەبارەت بەو کارە، بەشیر ناسری لە لاپەڕەی فەیسبووکی خۆیدا نووسیویەتی: \"دوو ساڵە پەیکەرەی شاعیری مەزنی کورد، \"مامۆستا قانع\"ـم تاشیوە و بەتەما بووم بە تێچووی خۆمەوە بیگوازمەوە بۆ مەریوان، لەبەر ئەوەیکە هەرجار دیمەنی ناحەز و پەیکەرەی نەگونجاوم لەو شارە دەبینی\".
ناوبراو لە درێژەدا، بەرپرسانی حکوومەتی و بەتایبەتی شارەوانیی مەریوانی بە \"کەمتەرخەم\" لەهەمبەر هونەرمەندانی ئەو شارە لەقەڵەم دەدات و ئەو دۆخە بە \"کارەسات\" ناودەبا.
پێشتر و لە کۆتاییەکانی ساڵی ١٣٩٣ هەتاوی، یەکێ لە هونەرمەندانی بۆکان بەناوی کەماڵ عەزیزی لە هەڵوێستێکی هاوشێوەدا، \"ماكت\"ی تەختی سلێمانی لە بەر چاوی گشتی ئاگر تێبەردا.
هونەرمەند بەشیر ناسری لەدایکبووی گوندی \"خانەگا\"ـی سەربە پاوەیە و خوێندنی لە بواری هونەر لە زانستگەی هونەری تاراندا تەواو کردووە و ماوەی چەندین ساڵە لە بواری شێوەکاریدا، چالاکی دەکات و خاوەنی چەندین بەرهەمی هونەرییە کە گرینگترینیان بریتین لە؛ سەرديسی هونەرمەندان مەزهەر خالقی، شێرکۆ بێکەس، خاڵۆ حسەین کۆهکەن، مامۆستا هەژار، مەولەویی کورد و ...هتد.
تا ئێستا ٢ بەرهەم لە پەیکەرەکانی بەشیر ناسری، کە بریتین لە پەیکەرەکانی مەولەویی کورد و میرزا عەبدولقادر پاوەیی، لە گۆڕەپانەکانی شاری پاوەدا دانراون.
لینكی پێوەندیدار:
بۆكان/ هونەرمەندێکی کورد یەكێک لەبەرهەمە بەنرخەكانی سووتاند
پەیکەرێک بۆ پیرەمێرد لە پاوە ساز کرا
