پێنج هاووڵاتیی شنۆیی بۆ لێپرسینەوە ڕەوانەی یەکێک لە گرتنگە ئەمنییەتییەکانی ورمێ کران

پێنج هاووڵاتیی کورد بە ناوەکانی "خۆشناو عەینی"، "فەرهەنگ کەرامەت (ئالانی)"، "یووسف ڕەحمانی"، "سیامەند کەرامەت (ئالانی)" و "پیرۆت تابناک" خەڵکی شاری شنۆ، پاش دەسبەسەرکران بۆ لێپرسینەوە ڕەوانەی یەکێک لە گرتنگە ئەمنییەتییەکانی ورمێ کراون.

بە وتەی سەرچاوەیەکی ئاگادار، ئەو پێنج هاووڵاتییە پاش دەسبەسەری لە پەیوەندیی تەلەفۆنی و چاوپێکەوتن لەگەڵ بنەماڵەکەیان بێبەری کراون.

ڕۆژی چوارشەممە ٢٢ی پووشپەڕ، ئەو هاووڵاتییانە بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر کرابوون.

وێنە لە ڕاستەوە بۆ چەپ: سیامەند کەرامەت، پیرۆت تابناک، یووسف ڕەحمانی، فەرهەنگ کەرامەت و خۆشناو عەینی