وەستاکارێکی بیناسازی لە مەریوان تووشی ڕووداوی کار بوو

ڕۆژی دووشەممە ١٦ی پووشپەڕ، وەستاکارێکی مەریوانی بە ناوی "شێرکۆ ئەسعەدی" بەهۆی بەربوونەوە لە بەرزایی تووشی ڕووداوی کار بوو.

ئەو وەستاکارە کوردە، وەستای جۆشکارییە و لە کاتی کارکردن لە بەرزایی ٩ میتری بەربووەتەوە و بەسەختی بریندار بووە.

ئەو وەستاکارە بۆ چارەسەریی پزیشکی ڕەوانەی نەخۆشخانەی سنە کراوە و لەژێر چاوەدێریی پزیشکیدایە.

"شیرکۆ ئەسعەدی" خێزاندار و باوکی منداڵێکە.

 لەو پەیوەندییەدا، ڕۆژی شەممە ٧ی پووشپەڕ، سێ  کرێکاری دیکەی کورد بە ناوی "دلاوەر تەوحیدپەنا" خەڵکی گوندی "جەوشەنـ"ـی سەقز، "عوسمان حوسێنی" تەمەن ٣٦ ساڵ و خەڵکی گوندی "بێلوو"ی بانە، و "فەرهاد شاپەری"، خەڵکی مەریوان، کرێکارانی بیناسازی، بەهۆی بەربوونەوە  لە کاتی کارکردن گیانیان لەدەست دا.