هێزە ئینتزامییەکان لە ناوچەی ئیلام لە کاتی بەرەبەیاندا ماهوارەیان کۆ کردەوە
15:48 - 23 رێبەندان 2713
ئاژانسی کوردپا: هێزە نیزامییەکانی حکوومەتی ئیسلامیی ئێران، لە کاتی بەرەبەیاندا لە چەندین ئاواییەکی ناوچەی هلیلانی ئیلام، دەزگا و دیشی ماهوارەی هاووڵاتییانیان کۆ کردەوە.
بەپێی راپۆرتی ئاژانسی هەواڵدەریی کوردپا؛ سەرلە بەیانیی ئەمڕۆ چوارشەممە هێزە ئینتزامییەکان زیاتر لە ١٠٠ دەزگا و دیشی ماهوارەی گوندەکانی \"ماهیزانی سەرێ و خوارێ، ژێرخاکی و تازاوا\"ی سەربە بەخشی \"هلیلان\"یان زەوت کرد.
یەکێک لە هاووڵاتییانی ئەو ناوچەیە بە هەوالنێری کوردپای راگەیاند؛ هێزە ئینتزامییەکان لە کاتێکدا هاووڵاتییان هێشتا لە خەو هەڵنەستابوون چوونەتە ئەو گوندانە و دەستیان بۆ کۆ کردنەوەی ماهوارە کردووە.
ئەو سەرچاوەیە، کە نەیویست ناوی ئاشکرا بکرێت، گوتیشی: هاتنی ئەو هێزانە لە کاتی بەرەبەیاندا بۆ ئەو گوندانەی ناوچەی هلیلانی ئیلام ترس و دڵەراوکێی لای هاووڵاتییان و بەتایبەت منداڵان دروست کردووە.
پێشتریش پاسگای حەسەن‌ئاوای شاری سنە لە کاتی بەربەیانیداو لە کاتێکدا کە هاووڵاتییان لە خەودا بوون، چووبوونە گەڕەکی \"سپووراوا\"ی ئەو شارەو دەستیان بە کۆکردنەوەی ماهوارەی هاووڵاتییان کردبوو.
بەپێی راپۆرتی ئاژانسی هەواڵدەریی کوردپا؛ سەرلە بەیانیی ئەمڕۆ چوارشەممە هێزە ئینتزامییەکان زیاتر لە ١٠٠ دەزگا و دیشی ماهوارەی گوندەکانی \"ماهیزانی سەرێ و خوارێ، ژێرخاکی و تازاوا\"ی سەربە بەخشی \"هلیلان\"یان زەوت کرد.
یەکێک لە هاووڵاتییانی ئەو ناوچەیە بە هەوالنێری کوردپای راگەیاند؛ هێزە ئینتزامییەکان لە کاتێکدا هاووڵاتییان هێشتا لە خەو هەڵنەستابوون چوونەتە ئەو گوندانە و دەستیان بۆ کۆ کردنەوەی ماهوارە کردووە.
ئەو سەرچاوەیە، کە نەیویست ناوی ئاشکرا بکرێت، گوتیشی: هاتنی ئەو هێزانە لە کاتی بەرەبەیاندا بۆ ئەو گوندانەی ناوچەی هلیلانی ئیلام ترس و دڵەراوکێی لای هاووڵاتییان و بەتایبەت منداڵان دروست کردووە.
پێشتریش پاسگای حەسەن‌ئاوای شاری سنە لە کاتی بەربەیانیداو لە کاتێکدا کە هاووڵاتییان لە خەودا بوون، چووبوونە گەڕەکی \"سپووراوا\"ی ئەو شارەو دەستیان بە کۆکردنەوەی ماهوارەی هاووڵاتییان کردبوو.
