هێزە خۆجێیەکانی سپا لە مەریوان خوازیاری حوکمی ئێعدامی سێ هاووڵاتیی کورد بوون
03:06 - 31 پووشپەڕ 2718
ئاژانسی کوردپا: هێزە خۆجێیەکانی سپای پاسداران لە دژکردەوەی شەڕ و تێکهەڵچوونی شاری مەریوان خوازیاری جێبەجێکردنی حوکمی ئێعدامی سێ زیندانیی سیاسی کورد لە گرتووخانەکانی سنە و ڕەجایی شاری کەرەج بوون.
بەپێی هەواڵی گەیشتوو بە ئاژانسی هەواڵدەریی کوردپا، هێزە خۆجێیەکانی سپای پاسداران لە ڕێوڕەسمی ناشتنی تەرمی ١١ کوژراوی سپا لە شەڕ و تێکهەڵچوون لەگەڵ هێزی یەکێک لە حیزبە کوردییەکان، خوازیاری بەڕێوەچوونی حوکمی لە سێدارەدانی سێ زیندانیی سیاسیی کورد بە ناوەکانی \"زانیار مورادی، لوقمان مورادی و ڕامین حوسێن‌پەناهی\" بوون.
کاناڵە تێلێگرمییەکانی سپای پاسداران لەو بارەیەوە ڕایانگەیاندووە: \"بەشداربووەکانی ناشتنی تەرمی کوژراوەکانی شەڕی مەریوان کە پێکهاتبوون لە \"بنەماڵەی کوژراوەکان و پێشمەرگە موسڵمانەکانی کورد و هێزە \"مومن\" و بەڵێندەرەکانی ئینقلابیی کورد \"خوازیاری بەڕێوەچوونی حوکمی ئێعدامی تێروریستەکان زانیارمورادی و لوقمان مورادی و ڕامین حوسێن‌پەناهی بوون، کە لە شاری مەریوان و سنە هەوڵی کاری تێروریستیان داوە.
زانیار و لوقمان مورادی رێكەوتی ١٠ی گەلاوێژ و ٥ی رەزبەری ساڵی ١٣٨٨دوو لاوی كورد بە تۆمەتی كوشتنی كوڕی ئیمام جومعەی شاری مەریوان لە لایەن هێزە ئەمنییەتییەكانی ئیسلامیی ئێرانەوە دەسبەسەر كران.
ئەو ٢ زیندانییە هەتا ٩ مانگ پاش لە دەسبەسەر کران، هیچ تاوانێكیان نەدرابوویە پاڵ و لە گرتنگەكانی ئیتلاعات دەسبەسەر کرابوون و سەرئەنجام مانگی بەفرانباری ساڵی ١٣٨٩ لە لایەن قازی سەڵواتی لە لایەن لقی ١٥ی دادگای ئینقلابی تارانەوە بە تاوانی \"شەڕ لەگەڵ خودا\" حوكمی سێدارە و بەڕێوەبەردنی ئەو حوکمەیان لەبەر چاوی خەڵکیان، بۆ بڕایەوە.
ڕامین حوسێن پەناهی ڕۆژی هەینی ٢ی پووشپەڕ لە شەڕ و تێکهەڵچوون لە نێوان هێزەکانی سپای پاسدران لە شاری سنە بە سەختی بریندار بوو و لە لایەن هێزەکانی سپای پاسدارانەوە دەسبەسەر و پێش تەواوکردنی کاروباری دەرمانی لە نەخۆشخانەی شاری سنە بۆ گرتووخانەی سپا گواسترایەوە و پاشان له دادگای ئینقلابی شاری سنە لە حوکمێکدا ئەو زیندانییە سیاسییە کوردەی بە تۆمەتی \"بغی\" و ئەندامبوون لە کۆمەڵە بە ئێعدام مەحکووم کرد.
ڕۆژی سێشەممە ٢١ی خاکەلێوەی ئەمساڵ لقی ٣٩ی دیوانی باڵای وڵات لە شاری قوم حوکمی ئێعدامی ڕامین حوسێن‌پەناهی پشتڕاست کردەوە.
بەپێی هەواڵی گەیشتوو بە ئاژانسی هەواڵدەریی کوردپا، هێزە خۆجێیەکانی سپای پاسداران لە ڕێوڕەسمی ناشتنی تەرمی ١١ کوژراوی سپا لە شەڕ و تێکهەڵچوون لەگەڵ هێزی یەکێک لە حیزبە کوردییەکان، خوازیاری بەڕێوەچوونی حوکمی لە سێدارەدانی سێ زیندانیی سیاسیی کورد بە ناوەکانی \"زانیار مورادی، لوقمان مورادی و ڕامین حوسێن‌پەناهی\" بوون.
کاناڵە تێلێگرمییەکانی سپای پاسداران لەو بارەیەوە ڕایانگەیاندووە: \"بەشداربووەکانی ناشتنی تەرمی کوژراوەکانی شەڕی مەریوان کە پێکهاتبوون لە \"بنەماڵەی کوژراوەکان و پێشمەرگە موسڵمانەکانی کورد و هێزە \"مومن\" و بەڵێندەرەکانی ئینقلابیی کورد \"خوازیاری بەڕێوەچوونی حوکمی ئێعدامی تێروریستەکان زانیارمورادی و لوقمان مورادی و ڕامین حوسێن‌پەناهی بوون، کە لە شاری مەریوان و سنە هەوڵی کاری تێروریستیان داوە.
زانیار و لوقمان مورادی رێكەوتی ١٠ی گەلاوێژ و ٥ی رەزبەری ساڵی ١٣٨٨دوو لاوی كورد بە تۆمەتی كوشتنی كوڕی ئیمام جومعەی شاری مەریوان لە لایەن هێزە ئەمنییەتییەكانی ئیسلامیی ئێرانەوە دەسبەسەر كران.
ئەو ٢ زیندانییە هەتا ٩ مانگ پاش لە دەسبەسەر کران، هیچ تاوانێكیان نەدرابوویە پاڵ و لە گرتنگەكانی ئیتلاعات دەسبەسەر کرابوون و سەرئەنجام مانگی بەفرانباری ساڵی ١٣٨٩ لە لایەن قازی سەڵواتی لە لایەن لقی ١٥ی دادگای ئینقلابی تارانەوە بە تاوانی \"شەڕ لەگەڵ خودا\" حوكمی سێدارە و بەڕێوەبەردنی ئەو حوکمەیان لەبەر چاوی خەڵکیان، بۆ بڕایەوە.
ڕامین حوسێن پەناهی ڕۆژی هەینی ٢ی پووشپەڕ لە شەڕ و تێکهەڵچوون لە نێوان هێزەکانی سپای پاسدران لە شاری سنە بە سەختی بریندار بوو و لە لایەن هێزەکانی سپای پاسدارانەوە دەسبەسەر و پێش تەواوکردنی کاروباری دەرمانی لە نەخۆشخانەی شاری سنە بۆ گرتووخانەی سپا گواسترایەوە و پاشان له دادگای ئینقلابی شاری سنە لە حوکمێکدا ئەو زیندانییە سیاسییە کوردەی بە تۆمەتی \"بغی\" و ئەندامبوون لە کۆمەڵە بە ئێعدام مەحکووم کرد.
ڕۆژی سێشەممە ٢١ی خاکەلێوەی ئەمساڵ لقی ٣٩ی دیوانی باڵای وڵات لە شاری قوم حوکمی ئێعدامی ڕامین حوسێن‌پەناهی پشتڕاست کردەوە.
