هاووڵاتییەک لە پەیوەندی لەگەڵ مانگرتنی بازاڕیانی سنە دەسبەسەر کرا
16:12 - 20 سەرماوەز 2722
ئێوارەی ڕۆژی هەینی ١٨ی سەرماوەز، هاووڵاتییەک بە ناوی "مەنسوور محەممەدزادە" خەڵکی گوندی "تەنگیسەر" و دانیشتووی شارەکی زاگرۆسی سنە، لەلایەن هێزە ئەمنییەتییەکانەوە دەسبەسەر کراوە و بۆ شوێنێکی نادیار، ڕاگوێزراوە.
بەوتەی سەرچاوەیەکی ئاگادار، مەنسوور محەممەدزادە خاوەنی قەنادیی "عەسەل"، لە پەیوەندیی لەگەڵ مانگرتنی بازاڕیان و دووکانداران، دەسبەسەر کراوە.
ئەو سەرچاوەیە هەروەها ئەوەشی خستەڕوو: حیسابی بانکی ئەو هاووڵاتییە لەلایەن هێزە ئەمنییەتییەکانەوە داخراوە.
مەنسوور محەممەدزادە خێزاندار و باوکی سێ منداڵە.
