ناڕوونیی چارەنووسی ١٦ چالاکی خوێندکاری و مەزهەبیی کورد

ئاژانسی کوردپا: ١٦ کەس لە چالاکانی خوێندکاری و مەزهەبیی کورد لە زیندانەکانی حکوومەتی ئیسلامیی ئێراندا لە چارەنووسێکی ناڕووندا بەسەر دەبەن و هەتا ئێستا گیرانی هیچکام لەم کەسانە میدیایی نەبۆتەوە.

بەپێی راپۆرتی ئاژانسی هەواڵدەریی کوردپا، رێژەیەکی بەرچاو لە چالاکانی خوێندکاری و مەزهەبیی کورد لە زیندانەکانی حکوومەتی ئیسلامیی ئێراندا لە چارەنووسێکی نادیاردا ماونەتەوە و هەتا ئێستا لەلایەن دەزگای قەزایی حکوومەتی ئیسلامیی ئێرانەوە هیچ بڕیارێکیان لەسەر نەدراوە.

ئەم ١٦ گیراوە کوردە سەرجەمیان لە ماوەی ساڵی رابردوودا لەلایەن هێزە ئیتلاعاتییەکانی حکوومەتی ئیسلامیی ئێرانەوە دەستبەسەر کراون.

ناوی ئەم کەسانە بریتین لە:

١- عادڵ غوڵامی – کوڕی عەلی‌موراد – موهەندیسی میکانیک – خەڵکی قوروە
٢- عوسمان رادبووی – کوڕی بەهرام – موهەندیسی وەرزێڕی – خەڵکی پاوە
٣- ئەیوب ئیبراهیم‌زادە – کوڕی حوسێن – موهەندیسی بەرق – خەڵکی سەردەشت
٤- حەمید رەزازادە – کوڕی هیدایەت – موهەندیسی بیناسازی – خەڵکی سەردەشت
٥- یۆسف ساڵحزادە – کوڕی مەحموود – لیسانسی ژمێریاری – خەڵکی سەردەشت
٦- مورتەزا ئەمینی – کوڕی کازم – لیسانسی بێهداشت – خەڵکی نەغەدە
٧- مەعاز حەکیمی – کوڕی عەبدولکەریم – ماستەری ماف – خەڵکی پاوە
٨- عاباس عیبادی – کوڕی عەبدوڵڵا – کانسایی کانگە بەردینەکان – خەڵکی تیکاب
٩- مەهدی سەیدی – کوڕی محەممەد – لیسانسی ئینگلیزی – خەڵکی تیکاب
١٠- حوسێن هیدایەتی – کوڕی ئیبراهیم – لیسانسی ئەدەبیاتی عەرەب – خەڵکی بۆکان
١١- نێعمەت ئازادیخواز – کوڕی خالید – لیسانسی تەربیەتی موعەلیم – خەڵکی شنۆ
١٢- عەبدولواحید مەعرووفی‌زادە – کوڕی رەسووڵ – لیسانسی فیزیک – خەڵکی شنۆ
١٣- محەممەد ئەحمەدی – کوڕی عەبدوڵڵا – لیسانسی ئامار – خەڵکی بۆکان
١٤- کامران حوسێنی – کوڕی رەسووڵ – کاردانیی بیرکاریی مەحز – خەڵکی بۆکان
١٥- ئیسماعیل ئاتەشخۆرد – کوڕی عەلی محەممەد – لیسانسی ئامار – خەڵکی بۆکان
١٦- ناسێح پیرخزری – کوڕی ئەحمەد – کاردانیی کۆمپیتێر – خەڵکی پیرانشار

ساڵانە بە دەیان چالاکی خوێندکاری، سیاسی و مەزهەبیی کورد لەلایەن هێزە ئەمنیەکانی حکوومەتی ئیسلامیی ئێران دەستبسەر دەکرێن و بەهۆی نەبوونی میدیای ئازاد و دۆخی ئەمنیەتیی ناوچە کوردنشینەکانی ئیران، هیچ‌کام لەو حاڵەتانە دەنگدانەوەی میدیای نابێت و بە شاراوەیی دەمێننەوە.