لەناو فەرمانداریی سونقور کەسێک ئاگری لە جەستەی خۆی بەردا

ئاژانسی کوردپا: هاووڵاتییەکی کورد خەڵکی شاری سونقور سەربە ئۆستانی کرماشان لە بەردەم فەرمانداریی ئەو شارە کۆتایی بە ژیانی خۆی هێنا.

بەپێی هەواڵی ئاژانسی هەواڵدەریی کوردپا، سەرلەبەیانی ئەمڕۆ یەکشەممە ٨ی خەرمانان، هاووڵاتییەکی کورد لەبەردەم بینای فەرماندریی سونقور ئاگری لە جەستەی خۆی بەردا و گیانی لەدەست دا.

بەپێی زانیاری سەرچاوەخۆجێیەکان، ئەو هاوڵاتییە کورد دوای هاتنەدەرەوەی لەبینای فەرمانداری بەنزینی بەخۆیدا کردووە و خۆی سووتاندووە.
ئەو خۆسووتاندنە لەناو حەوشەی بینای فەرمانداریی روویداوە.

جێگری سیاسی _ئەمنیەتی ئۆستانداری کرماشان لە وتووێژێکدا لەگەڵ ئیرنا، باسی لە شێواوی تەرمی ئەو هاووڵاتییە کوردە کردو وتی: بەهۆی سەختی سووتاندنەکەی شۆناسی ئەو هاووڵاتییە روون نەبووەتەوە.

ئەو بەرێوەبەری سیاسی_ ئەمنیەتییە لە زاری پولیسەوە وتوویەتی کە ئەو هاووڵاتییە لە دیواری پشتەوەی فەرمانداری خۆی گەیاندوەتە ناوحەوشی ئەو بینایە.

لێدوانەکانی ئەمیر شائابادی هەڵوێستی ماڵپەڕە ناوچەیەکانی لێکەوتوەتەوە و هەر لەو پەیوەندییەدا، ماڵپەڕی \"مرصاد\"ئەوبەرپرسی ئوستانداری کرماشانی بە\" رەپاڵدان و دوورخستنەوە لە بەرپرسایەتی ئۆستانداری\" تۆمەتبار کرد.

کارناسانی کاروباری کۆمەڵایەتی لە کوردستان، کێشەکانی ئابووری و کۆمەڵایەتی بە هۆکاری سەرەکیی خۆکوژییەکان دەزانن.