لاوێکی کوردی دەستبەسەرکراو ماوەی حەفتەیەکە چارەنووسی ناڕوونە
15:58 - 14 گەلاوێژ 2715
ئاژانسی کوردپا: لاوێکی کوردی خەڵکی ناوچەی سایین قەڵا لەپارێزگای ئازەربایجانی رۆژئاوا ماوەی حەفتەیەکە لەلایەن هێزەئەمنیەتییەکانەوە دەستبەسەر و هەتا ئێستا چارەنووسی بە ناڕوونی ماوەتەوە.
بەپێی هەواڵی ئاژانسی هەواڵدەریی کوردپا، فەتاح رەسووڵپوور تەمەن ٢٨ ساڵ و خەڵکی سایین قەڵا حەفتەیەک لەمەوبەر لەلایەن ئیدارەی ئاگاهی ئەو شارەوە بانگهێشت کراوە و لەو کاتەوە هەتا ئێستا دەستاودەست بە بنەماڵەکەی دەکرێت.
سەرچاوەیەکی نزیک لەو بنەماڵەیە بە هەواڵنێری کوردپای وتووە، فەتاح رەسووڵپوور کەسێکی مەدەنی بووە و هەتا ئێستا تێکەڵ بە هیچ کارێکی سیاسی و رێکخراوەیی نەبووە.
ئەو سەرچاوە ئاگادارە ئەوەشی خستووەتەڕوو، بنەماڵەی ئەو لاوە دەستبەسەرکراوە هەتا ئیستا چەندین جار سەردانی ئیدارەی ئاگاهیان کردووە، بەڵام لەلایەن ئەو ناوەندەوە پێیان وتراوە کە رەوانەی ئیدارەی ئیتلاعات کراوە.
دەوترێت فەتاح رەسووڵپوور ماوەی ساڵێک لەمەوبەر لەگەڵ هێزە بەسیجییەکانی ناو شاری سایین قەڵا بە کێشە و دەمەقاڵە هاتبووە و ئەو کات بۆ ماوەی دوو رۆژ دەستگیر کرابوو.
هەتا کاتی بڵاوبوونەوەی ئەو هەواڵە هیچ زانیارییەک لەهۆکاری دەستبەسەرکردنی فەتاح لەبەردەستدا نیە.
بەپێی هەواڵی ئاژانسی هەواڵدەریی کوردپا، فەتاح رەسووڵپوور تەمەن ٢٨ ساڵ و خەڵکی سایین قەڵا حەفتەیەک لەمەوبەر لەلایەن ئیدارەی ئاگاهی ئەو شارەوە بانگهێشت کراوە و لەو کاتەوە هەتا ئێستا دەستاودەست بە بنەماڵەکەی دەکرێت.
سەرچاوەیەکی نزیک لەو بنەماڵەیە بە هەواڵنێری کوردپای وتووە، فەتاح رەسووڵپوور کەسێکی مەدەنی بووە و هەتا ئێستا تێکەڵ بە هیچ کارێکی سیاسی و رێکخراوەیی نەبووە.
ئەو سەرچاوە ئاگادارە ئەوەشی خستووەتەڕوو، بنەماڵەی ئەو لاوە دەستبەسەرکراوە هەتا ئیستا چەندین جار سەردانی ئیدارەی ئاگاهیان کردووە، بەڵام لەلایەن ئەو ناوەندەوە پێیان وتراوە کە رەوانەی ئیدارەی ئیتلاعات کراوە.
دەوترێت فەتاح رەسووڵپوور ماوەی ساڵێک لەمەوبەر لەگەڵ هێزە بەسیجییەکانی ناو شاری سایین قەڵا بە کێشە و دەمەقاڵە هاتبووە و ئەو کات بۆ ماوەی دوو رۆژ دەستگیر کرابوو.
هەتا کاتی بڵاوبوونەوەی ئەو هەواڵە هیچ زانیارییەک لەهۆکاری دەستبەسەرکردنی فەتاح لەبەردەستدا نیە.
