دوو کۆڵبەر لە سنووری شنۆ کەوتنە بەر تەقەی هێزە نیزامییەکانەوە
20:43 - 20 بەفرانبار 2717
ئاژانسی کوردپا: هێزە نیزامییەکانی حکوومەتی ئێران، لە سنووری شاری شنۆ، ژمارەیەک لە کۆڵبەرانی کورد، دەدەنە بەر دەسڕێژی گوللە و لە ئاکامدا دوو کۆڵبەری کورد بە سەختی بریندار بوون.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی دووشەممە ١٧ی بەفرانبار، دوو کۆڵبەری کورد، خەڵکی شاری شنۆ، بە ناوەکانی \"عەبدوللەتیف شەعبانی\" و \"شوان مەحموودی\" بە تەقەی ڕاستەوخۆی هێزە نیزامییەکانی حکوومەتی ئێران، لە ناوچەی دەشتەبێڵ بە سەختی بریندار کران.
ئەم دوو کۆڵبەرە کوردە، بە هۆی سەختی برینەکەیانەوە بۆ ناوەندی دەرمانی شاری تەورێز گوازرانەوە و لەژێر چاوەدێریی پزیشكی دان.
ساڵانە زیاتر لە سەدان کۆڵبەر، بە هۆی تەقەی ڕاستەوخۆی هێزە نیزامییەکان، هەرەسی ڕنوو، سەرما و سۆڵە، کەوتنەخوار لە بەرزاییەکان و ڕاودوونانیان لە لایەن هێزە نیزامییەکانەوە، لە سەر سنوورەکانی کوردستان گیانیان لەدەست دەدەن، کە زۆرترینی ئەو حاڵەتانە بە هۆی تەقەی ڕاستەوخۆی هێزەکانی حکوومەتی ئیسلامیی ئێرانە.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی دووشەممە ١٧ی بەفرانبار، دوو کۆڵبەری کورد، خەڵکی شاری شنۆ، بە ناوەکانی \"عەبدوللەتیف شەعبانی\" و \"شوان مەحموودی\" بە تەقەی ڕاستەوخۆی هێزە نیزامییەکانی حکوومەتی ئێران، لە ناوچەی دەشتەبێڵ بە سەختی بریندار کران.
ئەم دوو کۆڵبەرە کوردە، بە هۆی سەختی برینەکەیانەوە بۆ ناوەندی دەرمانی شاری تەورێز گوازرانەوە و لەژێر چاوەدێریی پزیشكی دان.
ساڵانە زیاتر لە سەدان کۆڵبەر، بە هۆی تەقەی ڕاستەوخۆی هێزە نیزامییەکان، هەرەسی ڕنوو، سەرما و سۆڵە، کەوتنەخوار لە بەرزاییەکان و ڕاودوونانیان لە لایەن هێزە نیزامییەکانەوە، لە سەر سنوورەکانی کوردستان گیانیان لەدەست دەدەن، کە زۆرترینی ئەو حاڵەتانە بە هۆی تەقەی ڕاستەوخۆی هێزەکانی حکوومەتی ئیسلامیی ئێرانە.
