خۆکوژیی مێرمنداڵێکی تەمەن ١٧ ساڵەی خەڵکی شاری ڕوانسەر

ڕۆژی پێنجشەممە ١٧ی خەرمانان، مێرمنداڵێکی تەمەن ١٧ ساڵ بە ناوی "ئارمین مەلەکی" خەڵکی شاری ڕوانسەر کۆتایی بە ژیانی خۆی هێنا.

ئەو مێرمنداڵە بە هۆکاری نادیار و لە ڕێگای هەڵواسینەوە، کۆتایی بە ژیانی خۆی هێناوە.

هەروەها بەپێی ڕاپۆرتی "هێرانا" مێرمنداڵێکی دیکە بە ناوی "تەها شێرمحەممەدی" تەمەن ١٥ ساڵ خەڵکی شاری قوروە، دەستی داوەتە خۆکوژی و گیانی لەدەست داوە.

بەپێی ئەو ڕاپۆرتە، ئەو مێرمنداڵە بەهۆی کێشەی بنەماڵەیی بە خواردنی حەبی "برینج" دەستی داوەتە خوکوژی و پاش ئەو هەوڵە ڕەوانەی یەکێک لە نەخۆشخانەی سنە، کرابوو کە سەرەڕای هەوڵەکانی کادری دەرمانی، بۆ ڕزگارکردنی گیانی ئەو مێرمنداڵە، تەها شێرمحەممەدی لە کۆتاییدا، گیانی لەدەست دەدات.