تەپ و تۆزی کارخانە سیمانی ئیلام، چوار گوندی دەورووبەری چۆڵ دەکات
14:45 - 30 خاکەلێوه 2715
ئاژانسی کوردپا: هاووڵاتییانی کوردی خەڵكی گوندەکانی دەورووبەری کارخانەی سیمانی ئیلام، بەهۆی تەپ و تۆزی لە رادەبەدەری ئەو کارخانەیەوە، گوندەکانیان چۆڵ دەکەن.
بەپێی راپۆرتی ئاژانسی هەواڵدەریی کوردپا، لە کاتێکدا بەرپرسانی کارخانەی سیمانی ئیلام باس لە ستاندارد بوونی ئەو کارخانەیە دەکەن، گوندەکانی (کانی خەزان و کانی پان، سەراو کارزان و قەنات) کەلە دەورووبەری ئەو کارخانەیە هەڵکەوتوون، لە ئەنجامی تەپ و تۆزی لە رادەبەدەری کارخانەکە، بەرەو چۆڵ بوون دەچن.
دانیشتوانی ئەو دوو گوندە، نەبوونی کۆنتڕۆڵ و چاوەدێریی لایەنە پەیوەندیدارەکان بۆ چاوەدێریی ئەو کارخانەیە، بە هۆکاری هەبوونی تەپ و تۆزی لەرادەبەدەری ئەو کارخانەیە لە قەڵەم ئەدەن.
یەکێک لە دانیشتووی گوندی قەنات لە تەنیشت ئەو کارخانەیە، رایگەیاندووە: لە سێ وەرزی ساڵدا تەپ و تۆز دەگاتە ئەوپەری خۆی، بە شێوەیەک کە ئەگەر لە وەرزی هاویندا، کە گەرمیی هەوا هەتا نزیک ٥٠ پلە بەرز دەبێتەوە ، برق ببڕێت و ئامێرەکانی فێنک کەرەوە کار نەکەن، لەبەر تەپ و تۆز ناکرێ یەک خولەکیش لە حەوەشە دابنیشین.
بەگوتەی دانیشتوانی گوندی کارزان و قەنات، هەر کاتێک کۆنترۆڵ و چاوەدێری لەسەر کارخانەکە بوونی هەبێت، دەستبەجی تەپ و تۆزیش کەم دەبێتەوە.
پێشتر دانیشتوانی بەخشی کارزان بە نیشانەی ناڕەزایەتی دەربڕین بە وڵام نەدانەوەی بەرپرسان لەمەڕ کۆنتڕۆڵ و چاوەدێری بەسەر کارخانەی سیمانی ئیلام، لەبەردەم ئوستانداری ئەو شارەدا کۆبوونەوە.
هاووڵاتییانی دانیشتووی گوندەکانی دەوروبەری ئەو کارخانەیە راشیانگەیاندووە: بەرپرسانی کارخانە سیمانی ئیلام لەماوەی ٢ سالی رابردوودا زۆربەی کرێکارانی خۆجێیان لەسەر کارەکانیان دەرکردووە.
کارخانەی سیمانی ئیلام، لە بەخشی کارزان و لە ٢٠ کیلۆمیتریی باکووری ئیلام هەڵکەوتووەو \"بنیادی مستضعفان\" کە لەژێر چاوەدێریی رێبەری حکوومەتی ئیسلامیی ئیراندایە خاوەنی پشکی زۆری ئەو کارخانەیە.
بەپێی راپۆرتی ئاژانسی هەواڵدەریی کوردپا، لە کاتێکدا بەرپرسانی کارخانەی سیمانی ئیلام باس لە ستاندارد بوونی ئەو کارخانەیە دەکەن، گوندەکانی (کانی خەزان و کانی پان، سەراو کارزان و قەنات) کەلە دەورووبەری ئەو کارخانەیە هەڵکەوتوون، لە ئەنجامی تەپ و تۆزی لە رادەبەدەری کارخانەکە، بەرەو چۆڵ بوون دەچن.
دانیشتوانی ئەو دوو گوندە، نەبوونی کۆنتڕۆڵ و چاوەدێریی لایەنە پەیوەندیدارەکان بۆ چاوەدێریی ئەو کارخانەیە، بە هۆکاری هەبوونی تەپ و تۆزی لەرادەبەدەری ئەو کارخانەیە لە قەڵەم ئەدەن.
یەکێک لە دانیشتووی گوندی قەنات لە تەنیشت ئەو کارخانەیە، رایگەیاندووە: لە سێ وەرزی ساڵدا تەپ و تۆز دەگاتە ئەوپەری خۆی، بە شێوەیەک کە ئەگەر لە وەرزی هاویندا، کە گەرمیی هەوا هەتا نزیک ٥٠ پلە بەرز دەبێتەوە ، برق ببڕێت و ئامێرەکانی فێنک کەرەوە کار نەکەن، لەبەر تەپ و تۆز ناکرێ یەک خولەکیش لە حەوەشە دابنیشین.
بەگوتەی دانیشتوانی گوندی کارزان و قەنات، هەر کاتێک کۆنترۆڵ و چاوەدێری لەسەر کارخانەکە بوونی هەبێت، دەستبەجی تەپ و تۆزیش کەم دەبێتەوە.
پێشتر دانیشتوانی بەخشی کارزان بە نیشانەی ناڕەزایەتی دەربڕین بە وڵام نەدانەوەی بەرپرسان لەمەڕ کۆنتڕۆڵ و چاوەدێری بەسەر کارخانەی سیمانی ئیلام، لەبەردەم ئوستانداری ئەو شارەدا کۆبوونەوە.
هاووڵاتییانی دانیشتووی گوندەکانی دەوروبەری ئەو کارخانەیە راشیانگەیاندووە: بەرپرسانی کارخانە سیمانی ئیلام لەماوەی ٢ سالی رابردوودا زۆربەی کرێکارانی خۆجێیان لەسەر کارەکانیان دەرکردووە.
کارخانەی سیمانی ئیلام، لە بەخشی کارزان و لە ٢٠ کیلۆمیتریی باکووری ئیلام هەڵکەوتووەو \"بنیادی مستضعفان\" کە لەژێر چاوەدێریی رێبەری حکوومەتی ئیسلامیی ئیراندایە خاوەنی پشکی زۆری ئەو کارخانەیە.
