بە بۆنەی دڵەڕاوکێی لە بەڕێوەچوونی خۆپیشاندان کوردستان میلیتاریزە کراوە
14:50 - 9 بەفرانبار 2717
ئاژانسی کوردپا: دوای بەڕێوەچوونی خۆپیشاندانی خەڵک لە شارەکانی ئێران و کوردستاندا دژی \"گرانی و خراپی بارودۆخی ژیان\"، ناوەندە نیزامی و ئەمنییەتییەکانی حکوومەتی ئێران، کوردستانیان میلیتاریزە کرد.
بەپێی هەواڵی گەیشتوو بە ئاژانسی هەواڵدەریی کوردپا، لەگەڵ بەڕێوەچوونی خۆپیشاندان لە شارە جیاوازەکانی ئێران و کوردستاندا، ناوەندە نیزامی و ئیتڵاعاتییەکانی حکوومەتی ئێران، لە مەیدان و شەقامی شارەکانی کوردستان، هێزەکانی دژەشۆڕش و سپای پاسدارانیان جێگیر کردووە.
هەواڵنێری کوردپا ڕایگەیاند: هێزەکانی لیباس شەخسی و سپای پاسداران لە شارەکانی کرماشان، سنە، سەقز و بانەدا بڵاوەیان کراون و هاتووچۆی هاووڵاتییان لە ژێر چاوەدێری دایە.
بە وتەی ئەم سەرچاوەیە، ناوەندە نیزامی و ئیتڵاعاتییەکان لە کوردستاندا دوای بەڕێوەچوونی گردبوونەوە ناڕەزاییەتییەکان لە شارە جیاوازەکانی ئێران لە ترسی بەڕێوەچوونی خۆپیشاندان لە شارە کوردییەکاندا، هێزەکانیان جێگیر کردووە.
ڕۆژی هەینی ڕێکەوتی ٨ی بەفرانبار، خەڵکی کرماشانیش، دژی گرانی و خراپی بارودۆخی ژیان هاتنە سەر شەقەماکان و لە گۆڕەپانی ئازادی گردبوونەوە و دروشمی \"زیندانییانی سیاسی دەبێت ئازاد بکرێن\" و \"خەڵك سواڵ دەکەن و ئاغا خودایی دەکات\"یان وتووەتەوە، میدیاکانی حکوومەتی ئێران، ژمارەی خۆپیشاندەرانیان \"٣٠٠\" کەس ڕاگەیاندووە.
دەوترێت، هێزەکانی دژەشۆڕش لە کرماشان لە گازی فرمێسکڕێژ و ماشینی ئاوپرژێن بۆ بڵاوکردن بە خۆپیشاندەران کەڵكیان وەرگرتووە.
هەروەها ڕۆژی پێنجشەممە ڕێکەوتی ٧ی بەفرانبار، لە شارەکانی مەشهەد، کاشمەر و شاهرود خۆپیشاندان بەڕێوە چووە و خەڵک بە دژی گرانی و خراپی باری ژیان ناڕەزاییەتیان دەربڕیوە. بە وتەی بەرپرسی دادسەرای ئینقلابی مەشهەد، ٥٢ کەس لە خۆپیشاندەران لەو پێوەندییەدا دەسبەسەر کراون.
بەپێی هەواڵی گەیشتوو بە ئاژانسی هەواڵدەریی کوردپا، لەگەڵ بەڕێوەچوونی خۆپیشاندان لە شارە جیاوازەکانی ئێران و کوردستاندا، ناوەندە نیزامی و ئیتڵاعاتییەکانی حکوومەتی ئێران، لە مەیدان و شەقامی شارەکانی کوردستان، هێزەکانی دژەشۆڕش و سپای پاسدارانیان جێگیر کردووە.
هەواڵنێری کوردپا ڕایگەیاند: هێزەکانی لیباس شەخسی و سپای پاسداران لە شارەکانی کرماشان، سنە، سەقز و بانەدا بڵاوەیان کراون و هاتووچۆی هاووڵاتییان لە ژێر چاوەدێری دایە.
بە وتەی ئەم سەرچاوەیە، ناوەندە نیزامی و ئیتڵاعاتییەکان لە کوردستاندا دوای بەڕێوەچوونی گردبوونەوە ناڕەزاییەتییەکان لە شارە جیاوازەکانی ئێران لە ترسی بەڕێوەچوونی خۆپیشاندان لە شارە کوردییەکاندا، هێزەکانیان جێگیر کردووە.
ڕۆژی هەینی ڕێکەوتی ٨ی بەفرانبار، خەڵکی کرماشانیش، دژی گرانی و خراپی بارودۆخی ژیان هاتنە سەر شەقەماکان و لە گۆڕەپانی ئازادی گردبوونەوە و دروشمی \"زیندانییانی سیاسی دەبێت ئازاد بکرێن\" و \"خەڵك سواڵ دەکەن و ئاغا خودایی دەکات\"یان وتووەتەوە، میدیاکانی حکوومەتی ئێران، ژمارەی خۆپیشاندەرانیان \"٣٠٠\" کەس ڕاگەیاندووە.
دەوترێت، هێزەکانی دژەشۆڕش لە کرماشان لە گازی فرمێسکڕێژ و ماشینی ئاوپرژێن بۆ بڵاوکردن بە خۆپیشاندەران کەڵكیان وەرگرتووە.
هەروەها ڕۆژی پێنجشەممە ڕێکەوتی ٧ی بەفرانبار، لە شارەکانی مەشهەد، کاشمەر و شاهرود خۆپیشاندان بەڕێوە چووە و خەڵک بە دژی گرانی و خراپی باری ژیان ناڕەزاییەتیان دەربڕیوە. بە وتەی بەرپرسی دادسەرای ئینقلابی مەشهەد، ٥٢ کەس لە خۆپیشاندەران لەو پێوەندییەدا دەسبەسەر کراون.
