بەڕێوەچوونی چوارەمین فێستیڤاڵی ئۆرۆمۆن لە سڵێمانی

ئاژانسی کوردپا: چوارەمین فستیڤاڵی ئورۆمۆن لە هۆڵی رۆشنبیریی شاری سلێمانی لەلایەن مەڵبەندی رۆشنبیریی هەورامانەوە بەڕێوە چوو.

ئەیوب رۆستەم لێپرسراوی لێژنەی باڵا لە لێدوانێکی تایبەتدا بە ئاژانسی هەواڵدەریی کوردپای راگەیاند: فێستیڤاڵی ئەمسال کۆمەڵێک چالاکی لەخۆ گرتووە، کە بە خێندنەوەی وتاری مەڵبەندی رۆشنبیرییی هەوارامان و لیژنەی باڵا دەستی پێکرد و پاشان ئاهەنگێکی گۆرانی و مووزیک چەند هونەرمەندێکی هەر دوو دیوی هەورامان و ئەوانش کە \"ماچۆگۆ\"بوون، پێشکەش کران.

دواتر لەلایەن مامۆستا جەعفەرەوە لێکۆڵینەوەیەک لەسەر بیری سیاسی خانەی قوبادی و دواتریش چوار بەشداری دیکە لێکۆڵینەوە و بابەتی خۆیانیان لەبوارە جیاجیاکانی رۆشنیبریی ماچۆگۆکان لە ئۆمەلیکییەکانی مازندەرانەوە هەتا هەورامی و کەنوولەیی و زەنگەنە و بازەڵان و شەبەک و زازاکییەکان درسیم و بەنگۆل، پێشکەش کرد.

ئەو فێستیڤاڵە ئەمڕۆ بە پێشکەش کردنی ٣ لێکولینەوە بەردەوام بەردەوام دەبێت و پاش نیوەڕۆی ئەمڕۆ یەکشەممە رێکەوتی ١١ی خاکەلێوە بە نمایشی شانوگەرییەکی کورت و فیلمێک، کۆتایی بە فێستیڤالەکە دێت.

لێپرسراوی لێژنەی باڵا لەدرێژەی قسەکانیدا ئاماژەی بەوەشدا: لە رۆژهەلاتی کوردستانەوە مەنسور رەحمانی و جەمال شنەیی کە فیلمەکان لەلایەن ئەو ٢ کەسەوە پێشکەش دەکەن و هەروەها لێکولینەوەشیان هەیە لەو فێستیڤاڵەدا بەشداربوون.