بەدواداچوونی کرێکارانی ناڕازی، بووە هۆی دەرکرانیان
15:46 - 26 خاکەلێوه 2716
ئاژانسی کوردپا: نزیک بە ٢٠٠ کرێکاری شارەوانیی سەردەشت بۆ ماوەی ٤ مانگە لەهەر چەشنە حەقدەستێک بێبەش کراون.
بەپێی هەواڵی گەیشتوو بە ئاژانسی هەواڵدەریی کوردپا، سەرەڕای ناڕەزایەتی و مانگرتنی کرێکارانی شارەوانیی سەردەشت لە پارێزگای ئازەربایجانی ڕۆژئاوا، ئەو ئیدارە دەوڵەتییە لە سەرماوەزی ساڵی ڕابردووەوە حەقدەستی کرێکاران دابەش ناکات.
جۆری دەستبەکار بوونی ئەو کرێکارانە بە بەڵێندەری، گرێبەستی و فەرمی ڕاگەیەندراوە.
![\"کارگران](\"http://www.kurdpa.net/wenekan/2016-04/562197-34ca3cb648ab369dd7f71686dfe4880e.jpg\")
هەروەها ئەو ٢٠٠ کرێکارە کە لە بەشەکانی فەزای سەوز، هاتوچۆ و خزمەتگوزاریی شارەوانی کار دەکەن، نەورۆزانەی ٩٥یشیان وەرنەگرتووە و حەقی بیمەی چەندین مانگ کارکردنیشیان پێ نەدراوە.
کرێکارانی ناڕازی لە پێوەندییەکی تەلەفۆنی بە هەواڵدەریی کاری ئێران، باسیان لەوە کردووە کە سێ کەس لە هاوکارەکانیان بەهۆکاری بەدواداچوون بۆ کێشە و گرفتەکانی هاوپیشەکانیان، لەسەر کار دەرکراون و هەوڵی ئەو سێ کەسە بۆ نوێکردنەوەی گرێبەستەکانیان تاکوو ئێستا بێئاکام بووە.
سەرەتای سەرماوەزی ڕابردوو ئەو کرێکارانە لەبەردەم شارەوانیی سەردەشت دەستیان دابوویە مانگرتن و لەهەمبەر کەمتەرخەمیی بەرپرسان ناڕەزایەتییان دەربڕی.
هەروەها لە ٢ ساڵی ڕابردوودا، شوورای شاری سەردەشت گومانی خستووەتە سەر کاروکردەوەکانی شارەوانی و شارەدار، کە ئاڵوگوڕی بە فەرمانبەر و کرێکارانی شیرکەتی و فەرمی لەو ناوەندە دەوڵەتییە کردووە.
لەم دوو حەوتوویەدا، زیاتر لە ٣٧٠ کرێکاری کورد لە شیرکەتی خواردنەوەکانی \"ئیستەک\" (Istak)ی سنە و كارخانەی قەندی زەكەریا لە شارۆچکەی پیشەیی سەقز دەرکران.
لینكی پەیوەندیدار:
داخرانی ئیستەکی کوردستان بێکاریی ١٣٣ کرێکاری خۆجێیی لێ‌کەوتەوە
بەپێی هەواڵی گەیشتوو بە ئاژانسی هەواڵدەریی کوردپا، سەرەڕای ناڕەزایەتی و مانگرتنی کرێکارانی شارەوانیی سەردەشت لە پارێزگای ئازەربایجانی ڕۆژئاوا، ئەو ئیدارە دەوڵەتییە لە سەرماوەزی ساڵی ڕابردووەوە حەقدەستی کرێکاران دابەش ناکات.
جۆری دەستبەکار بوونی ئەو کرێکارانە بە بەڵێندەری، گرێبەستی و فەرمی ڕاگەیەندراوە.
هەروەها ئەو ٢٠٠ کرێکارە کە لە بەشەکانی فەزای سەوز، هاتوچۆ و خزمەتگوزاریی شارەوانی کار دەکەن، نەورۆزانەی ٩٥یشیان وەرنەگرتووە و حەقی بیمەی چەندین مانگ کارکردنیشیان پێ نەدراوە.کرێکارانی ناڕازی لە پێوەندییەکی تەلەفۆنی بە هەواڵدەریی کاری ئێران، باسیان لەوە کردووە کە سێ کەس لە هاوکارەکانیان بەهۆکاری بەدواداچوون بۆ کێشە و گرفتەکانی هاوپیشەکانیان، لەسەر کار دەرکراون و هەوڵی ئەو سێ کەسە بۆ نوێکردنەوەی گرێبەستەکانیان تاکوو ئێستا بێئاکام بووە.
سەرەتای سەرماوەزی ڕابردوو ئەو کرێکارانە لەبەردەم شارەوانیی سەردەشت دەستیان دابوویە مانگرتن و لەهەمبەر کەمتەرخەمیی بەرپرسان ناڕەزایەتییان دەربڕی.
هەروەها لە ٢ ساڵی ڕابردوودا، شوورای شاری سەردەشت گومانی خستووەتە سەر کاروکردەوەکانی شارەوانی و شارەدار، کە ئاڵوگوڕی بە فەرمانبەر و کرێکارانی شیرکەتی و فەرمی لەو ناوەندە دەوڵەتییە کردووە.
لەم دوو حەوتوویەدا، زیاتر لە ٣٧٠ کرێکاری کورد لە شیرکەتی خواردنەوەکانی \"ئیستەک\" (Istak)ی سنە و كارخانەی قەندی زەكەریا لە شارۆچکەی پیشەیی سەقز دەرکران.
لینكی پەیوەندیدار:
داخرانی ئیستەکی کوردستان بێکاریی ١٣٣ کرێکاری خۆجێیی لێ‌کەوتەوە
