برینداربوونی دوو کۆڵبەر بە تەقەی هێزە نیزامییەکانی حکوومەتی لە سنووری نەوسوود
18:22 - 13 خەرمانان 2722
سەرلەبەیانی ئەمڕۆ یەکشەممە ١٣ی خەرمانان، دوو کۆڵبەر بە ناوەکانی "ئیقباڵ عەلیزادە" دانیشتووی شاری مەریوان و "پەرویز مورادی" خەڵکی شاری سەلاسی باوەجانی، بە تەقەی هێزە نیزامییەکانی حکوومەتی لە سنووری نەوسوود، پێکران.
ئەو دوو کۆڵبەرە لە مەودایەکی کورت و بەبێ ئاگادار کردنەوەی پێشوو، تەقەیان لێکراوە.
لەو ڕووداوە، ئیقباڵ عەلیزادە بەهۆی بەرکوتنی گوللــەی ساچمەیی شان، دەست و لاقی بریندار و پەرویز مورادیش لاقی بە سەختی بریندار، بووە.
ئەو دوو کۆڵبەرە بۆ چارەسەری پزیشکیی ڕەوانەی ناوەندی دەرمانیی کراون.
