بانگهێشتی ژن و مێردێکی کوردی خەلکی سەڵماس بۆ ئیدارەی ئیتلاعات
14:48 - 10 خاکەلێوه 2714
ئاژانسی کوردپا: دوو هاووڵاتیی کوردی خەڵکی ناوچەی سەڵماس لەلایەن ئیدارەی ئیتلاعاتی شاری سەڵماسەوە بانگهێشت و لێپرسینەوەیان لێکرا.
بەپێی هەواڵی گەیشتوو بە ئاژانسی هەواڵدەریی کوردپا، لوقمان ئەحمەدی کوڕی حیفزوڵڵا، هاوڕێ لەگەڵ هاوسەرەکەی بەناوی مەهین خەڵکی گوندی \"لیلووس\"ی سەربە شاری سەڵماس، بانگهێشتی ئیدارەی ئیتلاعاتی ئەو شارە کران و بەرەوڕووی لێپرسینەوە و هەڕەشەی مەئموورانی ئەو ئیدارەیەوە بوونەوە.
ئەو ژن مێردە کوردە رێکەوتی ٦ی خاکەلێوەی ئەمساڵ پاش ئەوەی لەلایەن ئیدارەی ئیتلاعاتەوە بانگهێشت کراون و خۆیان بەو ئیدارەیە ناساندووە، بۆ ماوەی چەندین کاتژمێر بە تۆمەتی هاوکاری لەگەڵ یەکێک لە حیزبە کوردییەکان لێپرسینەوەیان لێکراوە.
دەگوترێت، لوقمان ئەحمەدی و هاوسەرەکەی مەهین هەتا ئێستا چەندین جار بە تۆمەتی هاوکاری لەگەڵ یەکێک لە حیزبە کوردییەکان بانگهێشتی ناوەندە ئەمنییەکان کراون و بەرەوڕووی لێپێچینەوە بوونەتەوە.
هەروەها لە کۆتاییەکانی مانگی رەشەمەی ساڵی رابردووشدا دوو هاووڵاتیی دیکەی بەناوەکانی ویلایەت حوسێنی خەڵکی گوندی \"ئاشناک\" و کاوس عەبدوڵڵازادە خەڵکی گوندی \"بڕوێشخۆران\"ی سەربە شاری سەڵماس لەلایەن ئیدارەی ئیتلاعاتەوە بانگهێشت کران و بۆ ماوەی چەندین کاتژمیر بەرەوڕووی لێدان و سووکایەتی پێکردن بوونەوە.
ویلایەت حوسێنی و کاوس عەبدوڵلازادە بە تۆمەتی هاوکاری لەگەڵ یەکێک لە حیزبە کوردییەکان بانگهێشتی ئیدارەی ئیتلاعات کرابوون.
بەپێی هەواڵی گەیشتوو بە ئاژانسی هەواڵدەریی کوردپا، لوقمان ئەحمەدی کوڕی حیفزوڵڵا، هاوڕێ لەگەڵ هاوسەرەکەی بەناوی مەهین خەڵکی گوندی \"لیلووس\"ی سەربە شاری سەڵماس، بانگهێشتی ئیدارەی ئیتلاعاتی ئەو شارە کران و بەرەوڕووی لێپرسینەوە و هەڕەشەی مەئموورانی ئەو ئیدارەیەوە بوونەوە.
ئەو ژن مێردە کوردە رێکەوتی ٦ی خاکەلێوەی ئەمساڵ پاش ئەوەی لەلایەن ئیدارەی ئیتلاعاتەوە بانگهێشت کراون و خۆیان بەو ئیدارەیە ناساندووە، بۆ ماوەی چەندین کاتژمێر بە تۆمەتی هاوکاری لەگەڵ یەکێک لە حیزبە کوردییەکان لێپرسینەوەیان لێکراوە.
دەگوترێت، لوقمان ئەحمەدی و هاوسەرەکەی مەهین هەتا ئێستا چەندین جار بە تۆمەتی هاوکاری لەگەڵ یەکێک لە حیزبە کوردییەکان بانگهێشتی ناوەندە ئەمنییەکان کراون و بەرەوڕووی لێپێچینەوە بوونەتەوە.
هەروەها لە کۆتاییەکانی مانگی رەشەمەی ساڵی رابردووشدا دوو هاووڵاتیی دیکەی بەناوەکانی ویلایەت حوسێنی خەڵکی گوندی \"ئاشناک\" و کاوس عەبدوڵڵازادە خەڵکی گوندی \"بڕوێشخۆران\"ی سەربە شاری سەڵماس لەلایەن ئیدارەی ئیتلاعاتەوە بانگهێشت کران و بۆ ماوەی چەندین کاتژمیر بەرەوڕووی لێدان و سووکایەتی پێکردن بوونەوە.
ویلایەت حوسێنی و کاوس عەبدوڵلازادە بە تۆمەتی هاوکاری لەگەڵ یەکێک لە حیزبە کوردییەکان بانگهێشتی ئیدارەی ئیتلاعات کرابوون.
