كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی شەممە ١٧ی جۆزەردان، "حیسامەدین پیرانی" بە دانانی بارمتەی ٣٠٠ ملیۆن تمەنی، "ئەبووبەکر مەحموود حەسەن" بە دانانی بارمتەی ٤٠٠ ملیۆن تمەنی و "سەلام باپیروەند" بە دانانی بارمتەی ٥٠ ملیۆن تمەنی لە زیندانی نەغەدە ئازاد کران.
لە ماوەی ڕۆژانی ڕابردوودا، ژمارەی تووشبووان بە ڤایرۆسی کۆرۆنا لە زیندانی ورمێ ڕووی لە زیادبوون کردووە و "دوکتور قەرەباغی"، بەرپرسی ئەندەرزگای بەندی ڕەواندەرمانی و بەرپرسی دامەزراوەکانی ئەو زیندانە تووشی ڤایرۆسی کۆرۆنا بوون.
ئێوارەی ڕۆژی پێنجشەممە ١٥ی جۆزەردان، دوو کرێکاری کورد بە ناوەکانی "حوسێن ساڵحزادە" خەڵکی سەقز و "ڕەزا شکاری" خەڵکی بۆکان، لە کاتی هەڵکەندنی چاڵاو، بەهۆی گازگرتووییەوە گیانیان لەدەست دا.
"تەحسین پیروزی"، زیندانیی سیاسیی کورد لە گرتووخانەی بەندەرعەباس، لە مافی مەرەخەسی وەرگرتن بێبەرییە و هەتا ئێستا بەرپرسانی زیندان لەگەڵ داواکاریی مەرەخەسیی ئەو زیندانییە کوردە، ڕەزامەندییان دەرنەبڕیوە.
لە چەند ڕۆژی ڕابردوودا، دوو هاووڵاتیی کورد خەڵکی شارەکانی سەقز و تیکاب، لە ڕێگای خۆهەڵواسینەوە کۆتاییان بە ژیانی خۆیان هێنا.
ڕۆژی پێنجشەممە ١٥ی جۆزەردان، ژمارەیەک لە کۆڵبەرانی کورد لە سنووری بانە کرانە ئامانجی تەقەی هێزە نیزامییەکانی حکوومەتی و لە ئەنجامی تەقەی ئەو هێزانە، کۆڵبەرێک بە ناوی "عەلی مەعارفی" خەڵکی گوندی "نەنۆڕ"ی ئەو شارە، بریندار کرا.
ڕۆژی دووشەممە ١٢ی جۆزەردان، "شەهاب ئاجی" کوڕی "حوسێن"، تەمەن ٢٣ ساڵ و خەڵکی گوندی "گەرگول"، دانیشتووی شاری نەغەدە، پاش تەواوبوونی لێپرسینەوەکەی لە گرتنگەی ئیدارەی ئیتلاعاتی ورمێ ئازاد کرا.
لە ماوەی ڕۆژانی ڕابردوودا، "ڕۆستەم ئەرکیا"، زیندانیی سیاسیی کورد و خەڵکی شاری ماکۆ، لە زیندانی یەزد ئیزنی مەرەخەسی پێ درا.
بە پشتبەستن بە ئاماری تۆمار کراو لە ناوەندی ئاماری ئاژانسی کوردپا، ١٦ کۆڵبەری کورد لە ڕێکەوتی ١ی جۆزەردان هەتا ١٥ی جۆزەردان، بە تەقەی ڕاستەوخۆی هێزە نیزامییەکانی حکوومەتی ئێران و تورکیە لە سنوورەکانی کوردستان کوژراو و بریندار بوونه.
کۆڕی ڕاوێژی چالاکانی مەدەنیی یارسان بە بۆنەی حەوتەمین ساڵڤەگەڕی خۆسووتاندنی سێ هاووڵاتیی یارسانیی ناڕازی بە ناوەکانی "حەسەن ڕەزەوی، نیکمەرد تاهیری و محەممەد قەنبەری" بەیاننامەیەکیان بڵاو کردوە.
ئاژانسی هەواڵدەریی کوردپا
