كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ناوەندی ئاماری ڕێکخراوی مافی مرۆڤی کوردپا، لە کۆتایی ساڵی ٢٠٢٠ی زایینی، لە ڕاپۆرتێکی جیاکاری_ئاماریدا، ئاماری کوژران و برینداربوونی کۆڵبەرانی لە ماوەی ٩ ساڵی ڕابردووی زایینی دەخاتەڕوو (لە ساڵی ٢٠١٢ هەتا ساڵی ٢٠٢٠).
ڕۆژی شەممە ١٠ی بەفرانبار، "ئارش گەنجی"، وەرگێڕ، نووسەر و ئەندامی کانوونی نووسەرانی ئێران، لەلایەن لقی ٢٨ی دادگای ئینقلابی شاری تاران بە سەرۆکایەتی دادوەر "عەمووزادە" ، بە ١١ ساڵ زیندانیی تەعزیری مەحکووم کرا.
منداڵێکی تەمەن ٤ ساڵە بە ناوی "کوورش نیروومەند"، خەڵکی یەکێک لە گوندەکانی شاری "هێلیلان" سەر بە پاڕێزگای ئیلام، بەهۆی بەربوونەوە و نەبوونی ناوەندی دەرمانی بۆ چارەسەری پزیشکی، گیانی لەدەست دا.
ڕۆژی سێشەممە ٩ی بەفرانبار، وەرزشوانێکی تەمەن ٢٢ ساڵ بە ناوی "فەرزین عەزیمی" خەڵکی شاری دیواندەرە، بە هۆکاری نادیار کۆتایی بە ژیانی خۆی هێنا.
سەر لە بەیانی ئەمڕۆ چوارشەممە ١٠ی بەفرانبار، حوکمی لەسێدارەدانی زیندانییەک تۆمەتبار بە "قەتڵ" بە ناوی "مستەفا سەیفی"، تەمەن ٢٨ ساڵ، کوڕی "عەتا"، خەڵکی گوندی "وێژنانـ"ـی شاری سەوڵاوا، لە زیندانی ناوەندیی سنە جێبەجێ کرا.
ئەمڕۆ سێشەممە ٩ی بەفرانبار، "فەریدە وەیسی" و "سیروس عەباسی"، دوو چالاکی مەدەنیی خەڵکی شاری "دێولان" پاش دەرکرانی حوکمی دەسبەسەرکرانیان، بۆ ئامادەبوون لە کۆبوونەوەی دادگا، لەلایەن هێزە ئەمنییەتییەکان دەسبەسەر و بۆ لقی ١ی دادگای ئینقلابی شاری…
ڕۆژی دووشەممە ٨ی بەفرانبار، "هادی تەنوومەند"، چالاکی کریکاری، دوای تەواوبوونی ماوەی مەرەخەسییەکەی گەڕایەوە بۆ زیندانی بۆکان.
ڕۆژی شەممە ١٣ی بەفرانبار، کۆبوونەوەی دادگاییکردنی دووبارەی دۆسییەی زیندانییەکی سیاسیی کورد بە ناوی "سامان کەریمی"، کوڕی "محەممەد ساڵح"، خەڵکی شاری بانە، پاش ڕەتکردنی حوکمی ئێعدامی لە دیوانی باڵات وڵات، لە دادگای ئینقلابی سنە بەڕێوە دەچێت.
ڕۆژی دووشەممە ٨ی بەفرانبار، کۆڵبەرێکی کورد بە ناوی "عەبدولکەریم محەممەدی" خەڵکی گوندی "پشت کوڕ" سەر بە شاری سەلاس باوەجانی، بەهۆی بەربوونەوه لە بەرزاییەکانی سنووری نەوسوود، بریندار بوو.
ڕۆژی یەکشەممە ٧ی بەفرانبار، زیندانییەک تۆمەتبار بە "قەتڵ" بە ناوی "مستەفا سەیفی" تەمەن ٢٨ ساڵ کوڕی عەتا خەڵکی گوندی "وێژنان" سەر بە شاری سەوڵاوا، بۆ جێبەجێکردنی حوکمی لە سێدارەدانەکەی ڕەوانەی ژووری تاکەکەسی زیندانی سنە کرا.
ئاژانسی هەواڵدەریی کوردپا
