كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی یەکشەممە ٤ی بەفرانبار، پاش تێپەڕینی ٤٦ ڕۆژ لە دەسبەسەرکرانی ئەندازیار پەرهام پەروەری خەڵکی شاری سەقز، ئیزنی دەستپێڕاگەیشتن بە پارێزەر بەو هاووڵاتییە درا.
حوکمی لەسێدارەدانی سامان یاسین (سەیدی)، هونەرمەندی کوردی خەڵکی کرماشان، لە دیوانی باڵای وڵات ڕەت کرایەوە.
لە ماوەی ڕۆژانی ڕابردوودا، کۆبوونەوەی دادگای پێڕاگەیشتن بە تۆمەتەکانی جەبار دەستباز، ڕۆژنامەنووسی خەڵکی دیواندەرە، لە لقی ٢ی دادگای ئینقلابی سنە، بەڕێوەچوو.
ڕۆژی یەکشەممە ٢٧ی سەرماوەز، کۆبوونەوەی پێڕاگەیشتن بە تۆمەتەکانی نازەنین زارا سەروی، لە دەسبەسەرکراوانی ڕاپەڕینی سەرتاسەری لە لقی ١ی دادگای ئینقلابی سنە، بەڕێوەچوو.
ڕۆژی چوارشەممە ٣٠ی سەرماوەز، کۆڵبەرێک بە ناوی "محەممەد عەلی حەبیبی" خەڵکی گوندی "مەنسوورئاقایی" شاری شاهۆ، بەهۆی تەقەی هێزە نیزامییەکانی حکوومەتی بریندار کرا.
ئەشکان مروەتی، هاووڵاتیی ناڕازیی خەڵکی سنە، لەلایەن لقی ١ی لێپرسی دادسەرای گشتیی و ئینقلابی ئەو شارە، بە "موحاربە" تۆمەتبار کرا.
تەوحید (لوقمان) دەروێش، هاووڵاتیی کوردی خەڵکی گوندی "گرناویک" سەر بە بەخشی قوتووری شاری خۆی، لە ڕێکەوتی ٧ی ڕەزبەر لە شاری تەورێز دەسبەسەر و لەلایەن دادسەرای گشتی و ئینقلابی ئەو شارەوە، بە "موحاربە" تۆمەتبار کرا.
موژگان کاوسی، زیندانی سیاسیی پێشوو و لە چالاکانی مافی زمان و ئێتنیک، خەڵکی شاری کەلاردەشتی مازندەران، لە کۆبوونەوەی پێڕاگەیشتن بە تۆمەتەکانی لەلایەن لقی ١ی دادگای ئینقلابی ساریییەوە بە "افساد فی الارض" تۆمەتبار کرا.
لقی ١ی دادگای ئینقلابی شاری سنە پێشی بە ئازادیی کاتیی هاووڵاتییەکی دەسبەسەرکراو بە ناوی "سیامەک داوودی" کوڕی محەممەدسدیق گرت.
سامان غەزاڵی، زیندانی سیاسیی پێشوو لەلایەن لقی ١ی دادگای ئینقلابی مەهاباد، بە تۆمەتی "پڕوپاگەندە دژی نیزام" بە ٨ مانگ زیندان و ساڵێک بێبەریکران لە کاری ڕۆژنامەوانی، مەحکووم کرا.
ئاژانسی هەواڵدەریی کوردپا
