كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی سێشەممە ۲٥ی ڕێبەندان، مامۆستا فەتحوڵڵا ڕۆستەمی، پێشنوێژی هەینیی و مامۆستای ئایینیی گوندی "مەرەغان"ی شاری سەردەشت، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار، ڕاگوێزرا.
ڕۆژی یەکشەممە ٢٣ی ڕێبەندان، هاووڵاتییەکی کورد بە ناوی "ئەمیر بابولی" خەڵکی گوندی "لەج"ی شاری مەهاباد، بە دانانی بارمتەی ٤ میلیارد و ٦٠٠ میلیۆن تمەنی، لە زیندانی ئەو شارە ئازاد کرا.
ڕۆژی دووشەممە ٢٤ی ڕێبەندان، ئایەت عارفینیا، خوێندکاری دەرچووی یاسا و بەڕێوەبەری کاناڵی "آبدانان در گذر زمان"، پاش دەرکرانی بەخشنامەی "لێبوردن و کەمکردنەوەی سزا گشتییەکان" لە زیندانی ئیلام ئازاد کرا.
سەرلەبەیانیی ڕۆژی سێشەممە ٢٥ی ڕێبەندان، حوکمی لەسێدارەدانی دوو زیندانی بە ناوەکانی "محەممەدعەلی ئەختەری کەهلان" و "میلاد جاجویی خانیک"، لە زیندانی ناوەندیی ورمێ، جێبەجێ کرا.
ڕۆژی دووشەممە ٢٤ی ڕێبەندان، سەیوان ئیبراهیمی، مامۆستای زمانی کوردی و ئەندامی هەیئەتی بەڕێوەبەریی ئەنجومەنی فەرهەنگی - کۆمەڵایەتیی "نۆژین" بە دانانی بارمتە هەتا کاتی دادگاییەکەی لە گرتنگەی ئیدارەی ئیتلاعاتی سنە ئازاد کرا.
ڕۆژی دووشەممە ٢٤ی ڕێبەندان، سۆما و سروە پوورمحەممەدی، لە ئەندامانی ئەنجومەنی فەرهەنگی - کۆمەڵایەتیی "نۆژین"، بە دانانی بارمتە هەتا کاتی دادگاییەکەیان بە شێوەی کاتی ئازاد کران.
پژمان یاسمی، هاووڵاتیی کوردی خەڵکی ئاودانان، سەرەڕای نزیک بە سێ مانگ لە کاتی دەسبەسەرکرانی، هەتا ئێستا چارەنووسی ناڕوونە و لە زیندانی ئیلام ڕاگیراوە.
بڕیاری دەسبەسەرکرانی مامۆستا یوونس نەوخا، لە مامۆستایانی قوتابخانەی زانستی دینیی سەلاحەدینی ئەیووبیی شاری پیرانشار، بۆ ماوەی ١٥ ڕۆژی دیکە درێژ کرایەوە.
ڕۆژی یەکشەممە ٢٣ی ڕێبەندان، مامۆستا شەریف مەحموودپوور، پێشنوێژی مزگەوتی ڕەسوولوڵڵای پەسوێی پیرانشار و مامۆستا سەید سلێمان ئەحمەدی، لە مامۆستایانی قوتابخانەی زانستی دینیی سەلاحەدینی ئەیووبیی پیرانشار، بە دانانی بارمتە لە زیندانی ورمێ، ئازاد…
ڕۆژی یەکشەممە ٢٣ی ڕێبەندان، جەماڵ عەلیزادە، هاووڵاتیی خەڵکی پیرانشار، بە دانانی بارمتەی ٣ میلیارد تمەنی هەتا کاتی دادگاییەکەی لە زیندانی نەغەدە، بە شێوەی کاتی ئازاد کرا.
ئاژانسی هەواڵدەریی کوردپا
