كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی شەممە ١٤ی ڕەزبەری ١٤٠٣، لوقمان زەنگی، هاووڵاتیی تەمەن ٥٢ ساڵی خەڵکی گوندی "کانی سورک" سەر بە شاری شنۆ بە دانانی بارمتەی یەک میلیارد و ٢٠٠ میلیۆن تمەنی لە بەندیخانەی ئەم شارە ئازاد کرا.
لە ماوەی ڕۆژانی ڕابردوودا، لاوێکی کورد بە ناوی "عادڵ کاکە" تەمەن ٢٣ ساڵ و کوڕی جەماڵ، خەڵکی گوندی "دۆستاڵی" سەر بە شاری مەهاباد پاش کۆتاییهاتنی قۆناغەکانی لێپرسینەوە لە یەکێک لە گرتنگە ئەمنییەتییەکانی ورمێوە بۆ بەندیخانەی مەهاباد ڕاگوێزرا.
ئەیووب جەوانپوور، چالاکی مەدەنیی خەڵکی سەقز لە ڕۆژی ٨ی ڕەزبەری ١٤٠٣دا بە دانانی بارمتە لە بەندیخانەی ئەم شارە ئازاد کرا.
ڕۆژی شەممە ١٤ی ڕەزبەری ١٤٠٣، ئەمیرحوسێن حەقجوویان، خاڵۆزا و لە هاوڕێیانی نزیکی ڕەزا ڕەسایی ناڕازیی لەسێدارەدراو، بە دانانی بارمتە و بە شێوەی کاتی لە بەندیخانەی ناوەندیی کرماشان ئازاد کرا.
لێژنەی پێداچوونەوەی وەزارەتی پەروەردە و بارهێنان لە ڕۆژی ٢٦ی خەرمانانی ١٤٠٣دا، سزای دەرکرانی سومەیە ئەختەرشومار لە پەروەردە و بارهێنانی وەکو خۆی پشتڕاست کردەوە.
سزای بەندکرانی ژینا مودەڕس گورجی، ڕۆژنامەوان و چالاکی بواری ژنانی دەسبەسەرکراو لە بزووتنەوەی ژن، ژیان، ئازادی لەلایەن دادگای پێداچوونەوەی سنەوە لە ٢١ ساڵ بەندکرانەوە بۆ ٢٨ مانگ گۆڕدرا.
ڕۆژی پێنجشەممە ١٢ی ڕەزبەری ١٤٠٣، هاووڵاتییەکی کورد بە ناوی "یووسف دەشتی" خەڵکی بۆکان، بە تەقەی هێزە نیزامییەکانی حکوومەت گیانی لەدەست دا.
سەرلەبەیانیی ڕۆژی چوارشەممە ١١ی ڕەزبەری ١٤٠٣، سزای لەسێدارەدرانی بەندکراوێک بە ناوی "مەولوود خالدیان" خەڵكی شاری قوروە، لە بەندیخانەی قزڵحساری کەرەج جێبەجێ کرا.
سەرلەبەیانیی ڕۆژی سێشەممە ١٠ی ڕەزبەری ١٤٠٣، سزای لەسێدارەدرانی دوو بەندکراو بە ناوەکانی "نیما مورادی" و "نەسروڵلا مێنەتی" خەڵکی ئیلام لە بەندیخانەی ناوەندیی ئەم شارە جێبەجێ کرا.
ڕۆژی سێشەممە، ١٠ی ڕەزبەر ١٤٠٣، دایە مینا سوڵتانی، دایکی شەهریار محەممەدی لە گیانلەدەستداوانی بزووتنەوەی ژن، ژیان، ئازادی لە بۆکان، پاش ٢١ ڕۆژ دەسبەسەرکران و لێپرسینەوە بە دانانی بارمتە لە بەندیخانەی ورمێ ئازاد کرا.
ئاژانسی هەواڵدەریی کوردپا
