كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ئیسماعیل سلێمانی، هاووڵاتیی خەڵکی پیرانشار بە مەبەستی جێبەجێکرانی سزای ١٠ مانگ بەندکران، بانگی لقی یەکی جێبەجێکاری سزا کەیفەرییەکانی دادسەرای گشتی و ئینقلابی پیرانشار کرا.
ڕۆژی یەکشەممە ٢٣ی بەفرانباری ١٤٠٣، دوو مێرمنداڵی کورد بە ناوەکانی "ڕزگار مەولوودی" تەمەن ١٧ ساڵ و "کامیار ئیزەدی" تەمەن ١٧ ساڵ و خەڵکی گوندی "سەهۆڵان" سەر بە شاری مەهاباد بە دانانی بارمتە لە کانوونی ئێسڵاح و تەربییەتی ورمێ ئازاد کران.
ڕۆژی یەکشەممە ٢٣ی بەفرانباری ١٤٠٣، گەلاوێژ محەممەدی ئەرشەد، هاووڵاتیی خەڵکی مەهاباد پاش بانگکران بۆ لقی جێبەجێکاری سزا کەیفەرییەکانی ئەم شارە دەسبەسەر کرا و بە مەبەستی جێبەجێکرانی سزاکەی بۆ بەندی ژنانی بەندیخانەی ورمێ ڕاگوێزرا.
ڕۆژی پێنجشەممە ٢٠ی بەفرانباری ١٤٠٣، سەربازێکی کورد بە ناوی " مەتین سەعیدی زەنگەکانی" خەڵکی شارەکی "دزەی سیاوەش"ی ورمێ لە کاتی نیگابانیدان لە یەکێک لە پادگانەکانی کرماشان بە فیشەک کۆتایی بە ژیانی خۆی هێنا.
٦٨ ڕێکخراوی مافی مرۆیی و مافەکانی ژنان داوایان لە کۆمەڵگەی نێودەوڵەتی کردووە تاکوو دەسبەجێ ئێران بخەنە ژێر گوشارەوە تاکوو سزای لەسێدارەدانی پەخشان عەزیزی، چالاکی بواری ژنان کە لە بەندیخانەیە هەڵوەشێتەوە.
فەرید بادیدەست، هاووڵاتیی خەڵکی دیواندەرە لەلایەن لقی یەکی دادگای ئینقلابی سنەوە بە ٢٠ مانگ بەندکرانی داسەپاو سزا درا.
ڕۆژی شەممە ٢٢ی بەفرانباری ١٤٠٣، چالاکێکی ژینگەپارێز بە ناوی "ژیان میری" خەڵکی گوندی "تەنگیسەر"، سەر بە شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە ٢٢ی بەفرانباری ١٤٠٣، سزای جەماڵ عەلیزادە، چالاکی مەدەنیی خەڵکی پیرانشار کۆتایی پێ هات.
ڕۆژی پێنجشەممە ٢٠ی بەفرانباری ١٤٠٣، هاووڵاتییەکی کورد بە ناوی "بێهزاد براخاسی" خەڵکی دیواندەرە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ١٧ی بەفرانباری ١٤٠٣، دوو هاووڵاتیی کورد بە ناوەکانی "سروە شیری" تەمەن ٢٢ ساڵ و "پەیمان شیری" تەمەن ١٩ ساڵ خەڵكی گوندی "تەرەغە" سەر بە شاری بۆکان بە مەبەستی جێبەجێکرانی سزای بەندکران بۆ بەندیخانە ڕاگوێزراون.
ئاژانسی هەواڵدەریی کوردپا
