شەوی هەینی ٢ی خەزەڵوەری ١٤٠٤، کۆڵبەرێکی کورد بە ناوی "ئیبراهیم پیرانزاد" خەڵكی بانە بە تەقەی هێزە نیزامییەکانی حکوومەت لە سنووری ئەم شارە گیانی لەدەست دا و کۆڵبەرێکی دیکە بە ناوی "شاهۆ ڕۆستەمی" بەسەختی بریندار بوو.
٢٩ی ڕەزبەری ١٤٠٤؛ هاووڵاتییەکی کورد بە ناوی "کەیوان مامەگوڵی" خەڵکی گۆێگتەپەی مەهاباد، لەلایەن لقی یەکی دادگای ئینقلابی ئەم شارەوە بە تۆمەتی "پڕوپاگەندە دژی نیزام" بە شەش مانگ بەندکران سزا درا.
٣٠ی ڕەزبەری ١٤٠٤؛ لە درێژەی ڕەوتی دەرکردنی سزا دادوەرییەکان دژی چالاکان و هاووڵاتییانی کورد، شەهاب تەوان هاووڵاتیی کوردی خەڵکی "برایم ئاباد"ی سەر بە میاندواو لەلایەن لقی ١٠١ی دادگای کەیفەری ٢ی ئەم شارەوە بە سێ مانگ و یەک ڕۆژ بەندکرانی…
ڕۆژی شەممە ٢٦ی ڕەزبەری ١٤٠٤، مامۆستا محەممەد خزرنژاد، مامۆستای ئایینی بەپێشینەی ٢٤ ساڵ پێشنوێژی و وانەوتنەوە پاش تێپەڕبوونی سێ ساڵ بۆ یەکەمین جار بە دانانی بارمتەی قورسی سەرووی پێنج میلیارد تمەنی لە بەندیخانەی ناوەندیی سنەوە نێردرایە…
٢٧ی ڕەزبەری ١٤٠٤؛ لە درێژەی ڕەوتی دەرکردنی سزای یاسایی دژی چالاکان و هاووڵاتییانی کورد، لە ماوەی ڕۆژانی ڕابردوودا شەش هاووڵاتیی کوردی خەڵکی گوندەکانی دەوروبەری میاندواو کە پێشتر بە شێوەی سەرەڕۆیانە و بە بێ بەڵگەی یاسایی لەلایەن ناوەندە…
۲۷ی ڕەزبەری ۱۴۰۴؛ خدر و کلارا ڕەسووڵی، دوو هاووڵاتیی کورد کە باوک و کچن و خەڵکی مەهابادن، پاش دەسبەسەرکرانی سەرەڕۆیانە و درێژماوە لە یەکێک لە گرتنگە ئەمنییەتییەکانی ورمێدا بە دانانی بارمتەی قورس و بە شێوەی کاتی ئازاد کران.
ڕۆژی یەکشەممە ٢٧ی ڕەزبەری ١٤٠٤، هاووڵاتییەکی کورد بە ناوی "شاهۆ ئیبراهیمی" دانیشتووی گوندی "سەبەدلوو" سەر بە شاری بانە، لەلایەن هێزە ئەمنییەتییەکانەوە دەسبەسەر کرا و بۆ شوینێکی نادیار ڕاگوێزرا.
ڕۆژی شەممە ٢٦ی ڕەزبەری ١٤٠٤، نەریمان ڕەندانی چالاکی مەدەنیی خەڵکی سەقز پاش ٦٠ ڕۆژ دەسبەسەرکرانی کاتی بە دانانی بارمتە لە بەندیخانەی ئەم شارە ئازاد کرا.
ڕۆژی شەممە ٢٦ی ڕەزبەری ١٤٠٤؛ چوار هاووڵاتیی کوردی خەڵکی سەقز بە ناوەکانی ئومید ڕەحیمزادە، مێهدی کەماڵی، زەکەریا مورادی و محەممەد ئەمینپوور پاش ٦١ ڕۆژ دەسبەسەرکرانی سەرەڕۆیانە، بە دانانی بارمتە و بە شێوەی کاتی ئازاد کران.
ڕۆژی چوارشەممە ٢٣ی ڕەزبەری ١٤٠٤، "ئازاد حاجی میرزایی" چالاکی مەدەنی و لە دەسبەسەرکراوانی ژن، ژیان، ئازادی، خەڵکی گوندی "باوەرێز" سەر بە شاری سنە، بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
