ڕۆژی شەممە، ١٢ی ڕێبەندان، کۆڵبەرێکی کورد بە ناوی "عوسمان فتووحی" ناسراو بە "عوسمان عەلی مینا"، تەمەن ٥٥ ساڵ و خەڵکی گوندی "مێشاو" و دانیشتووی گەڕەکی تازاوای سەقز، بەهۆی سەرمابردووییەوە گیانی لەدەست دا.
ڕۆژی شەممە، ١٢ی ڕێبەندان، بەهۆی تەقینەوەی یەکێک لە مینە بەجێماوەکانی شەڕی ئێران- عێراق، لە ناوچەی شووشی ئەهواز، لاوێکی کرماشانی بەسەختی بریندار بوو.
ئەمڕۆ شەممە، ١٢ی ڕێبەندان، هاووڵاتییەکی کورد بە ناوی "شارام کازمیان" کوڕی "فارس"، تەمەن ٤٢ ساڵ، پاش یەک مانگ لێپرسینەوە لە گرتنگەی ئیدارەی ئیتلاعاتی ورمێ، بۆ زیندانی ناوەندیی ئەو شارە ڕاگوێزرا.
لە ماوەی ڕۆژی ڕابردوودا، کۆڵبەرێکی کورد بە ناوی "وەلی گوندک مەلا" بەهۆی تەقەی هێزە نیزامییەکانی سپای پاسداران، لە سنووری شنۆ پێکرا.
ڕۆژی هەینی، ١١ی ڕێبەندان، سەید "سادق حوسێنی"، فەرماندەی سپای بەیتولموقەدەسی سنە، سەردانی بەرزاییەکان و ناوچە سنوورییەکانی کرد.
ڕۆژی هەینی، ڕێکەوتی ١١ی ڕێبەندان، خولێکی ڕێنووسی کوردی کە لەلایەن ناوەندی فەرهەنگی و فێرکاریی "بەیان" بە وانەبێژیی "ناسر ناسریـ"ـیەوە بەڕێوە چووبوو، کۆتایی پێ هات.
ڕۆژی پێنجشەممە، ١٠ی ڕێبەندان، هاووڵاتییەکی کورد بە ناوی "حوسێن ئازەریون" کوڕی "عەبدوڵڵا"، تەمەن ٣٢ ساڵ و خەڵکی پیرانشار، پاش تەواوبوونی لێپرسینەوەکەی لە گرتنگەی ئیتلاعاتی سپای پاسداران لە ورمێ، بۆ بەندی ١٢ی زیندانی ناوەندیی ئەو شارە…
ڕۆژی شەممە، ٥ی ڕێبەندان، هاووڵاتییەکی کوردی خەڵکی گوندی گوێزەکوێرەی مەریوان و دانیشتووی ئەو شارە، بە ناوی "عوسمان دڵاویز"، تەمەن ٣٠ ساڵ، پاش بانگهێشتکردنی بۆ ستادی خەبەریی ئیدارەی ئیتلاعاتی مەریوان، دەسبەسەر کراوە.
ڕۆژی یەکشەممە ٦ی ڕێبەندان، دوو کۆڵبەری کورد بە ناوەکانی "عەلی هادی‌زادە" تەمەن ٢٢ ساڵ و کوڕی بەشار هەروەها "حوسێن هادی‌زادە" تەمەن ٢٩ ساڵ کوڕی جەمیل، لە لایەن هێزەکانی ئەرتەشی تورکییەوە، تەقەیان لێکراوە و بە سەختی پێکراون.
ڕۆژی دووشەممە، ٧ی ڕێبەندان، تەرمی پەناخوازێکی کورد بە ناوی "چنوور یووسفی" خەڵکی سنە، لەلایەن چەند ڕاوکەرێکی ماسییەوە لە قەراخی "کنیالتی شاری ئانتالیا" دۆزرایەوە.
ئاژانسی هەواڵدەریی کوردپا
