لە ماوەی ئەم حەوتوویەدا و لە کەمتر لە ٢٤ کاتژمێردا، دوو کچە قوتابیی خەڵکی شاری جوانڕۆ بە ناوەکانی "مهسا وەلیزادە" و "سارینا وەیس مورادی"، بە هۆکاری نادیار کۆتاییان بە ژیانی خۆیان هێنا.
ڕۆژی چوارشەممە، ٧ی ڕەشەمە، لاوێکی کورد بە ناوی "حوسێن سەمەدی" کوڕی "عەلی"، خەڵکی کرماشان، لەلایەن هێزە ئیتلاعاتییەکانەوە دەسبەسەر کرا.
چەند ڕۆژ پێش، لاوێکی کورد بە ناوی "پوویا پەروانە" کوڕی "عەبدوڵڵا"، تەمەن ١٨ ساڵ، لە نزیک سنووری شاری شنۆ، لەلایەن هێزەکانی سپای پاسدارانەوە دەسبەسەر کرا.
ڕۆژی سێشەممە، ٦ی ڕەشەمە، هێزە ئیتلاعاتییەکان لە ورمێ لاوێکی کوردیان بە ناوی "سیروان محەممەدی" دەسبەسەر کرد و بۆ شوێنێکی نادیاریان ڕاگواست.
ڕۆژی سێشەممە، ٦ی ڕەشەمە، بەهۆی بارینی باران و هاتنی لافاو لە شاری ئیلام، دوو هاووڵاتیی خەڵکی ئەو شارە بوون بە قوربانی و گیانیان لەدەست دا.
لە چارەنووسی "سیروس عەباسی، فەریدە وەیسی و ئازاد عەباسی"، لە چالاکانی مەدەنیی کورد لە شاری قوورە و دێوڵان پاش ٤٢ ڕۆژ لە دەسبەسەرکرانیان هیچ زانیارییەک لە بەردەستدا، نییە.
ڕۆژی سێشەممە ٦ی ڕەشەمە، "ڕەحیم مەحموودی‌ئازەر"، زیندانیی سیاسیی کورد لە گرتووخانەی ناوەندیی شاری ورمێ، بە نیشانەی ناڕەزایەتی دەربڕین، بەنیسبەت داخوازی ناوبراو بۆ ئازادیی بێمەرج، مانیان گرتووە.
کرێکارانی شاری سەردەشت ماوەی ٤ مانگە پارەیان لە شارەداری وەرنەگرتووە و بە دەست خەریکی کۆکردنەوەی زبڵ و خاشاکەکانن.
لە ماوەی ڕۆژانی ڕابردوودا، ژمارەیەک لە کۆڵبەرانی کورد لە بەرزاییەکانی سنووری شاری پیرانشار، لەلایەن هێزەکانی سپای پاسدارانەوە تەقەیان لێکراوە.
ڕۆژی هەینی ٢ی ڕەشەمە، هاووڵاتییەکی کورد بە ناوی "عەبدوڵڵا سادقی" خەڵکی شاری سەرپێڵی‌زەهاو، لەلایەن هێزە ئیتلاعاتییەکانەوە، دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
