ڕۆژی سێشەممە ٢٨ی پووشپەڕ، دوو هاووڵاتیی کورد بە ناوەکانی "دیار عەباسی" و"ڕەحمەت ئابجامە"، پاش تەواوبوونی ماوەی لێپرسینەوەکەیان لە یەکێک لە گرتنگە ئەمنییەتییەکان لە ورمێ، ڕەوانەی زیندانی مەهاباد کران.
بەڕێوەبەری پزیشکی یاسایی پارێزگای کرماشان ڕایگەیاند: "بەهۆی ڕووداوی کار لە پارێزگای کرماشان، ١٧١ کرێکار لە سێ مانگی یەکەمی ئەمساڵ بریندار و گیانیان لەدەست داوە".
سەرلەبەیانیی ڕۆژی یەکشەممە ١٩ی پووشپەڕ، ژنێک بە ناوی "گوڵجەمین نەجەفی" تەمەن ٥٠ ساڵ کچی عەبدوڵڵا خەڵکی بەخشی گاوارەی شاری داڵاهۆ، بە شێوەیەکی دڵتەزێن لەلایەن هاوژینەکەیەوە کوژرا.
ڕۆژی دووشەممە ٢٧ی پووشپەڕ، کچێکی مێرمنداڵی تەمەن ١٢ ساڵ بە ناوی "کانی ئەمین عەشایری" کچی "تەیب" خەڵکی گوندی "کۆنەلاجانـ"ـی شاری پیرانشار، کۆتایی بە ژیانی خۆی هێنا.
پاش ١٢ ڕۆژ لە دەسبەسەرکرانی مامۆستا "مەلا یوونس نەوخا" خەڵکی شاری پیرانشار لەلایەن هێزە ئەمنییەتییەکانەوە، هەتا ئێستا چارەنووسی ناوبراو ناڕوونە.
مریەم عەزیزوەند خەڵکی گوندی "کورانـ"ـی ناوچەی سۆمای ورمێ کە بەهۆی تەقینەوەی مین بە سەختی بریندار بوو، لەلایەن پزیشکانی پسپۆڕەوە نەشتەرگەریی بۆ کرا.
ڕۆژی یەکشەممە ٢٦ی پووشپەڕ، بەهۆی وەرگەڕانی ماشینێک لە جۆری "سێ ئێف" لە پردی "بۆیەنی خواروو" سەر بە شاری بانە، دوو کاسبکار بریندار بوون.
شەوی ڕابردوو مێرمنداڵێکی تەمەن ١٢ ساڵ خەڵکی شاری مەهاباد، لەلایەن زڕباوکیەوە، ئازار و ئەشکەنجەی جەستەیی درا.
شەعبان محەممەدی لە ئەندامانی هەیئەتی بەڕێوەبەریی ئەنجومەنی سێنفیی مامۆستایانی کوردستان-مەریوان، لە بەندی ٢٠٩ی ئەمنییەتیی زیندانی ئێڤین بۆ بەندی گشتیی ئەو زیندانە ڕاگوێزرا.
ئەمڕۆ شەممە ٢٥ی پووشپەڕ، دوو هاووڵاتیی کورد بە ناوەکانی "تاهیر کەتانی" و "ئەمیر بابۆلی" خەڵکی گوندی "لەجـ"ـی شاری مەهاباد لەلایەن هێزە ئەمنییەتییەکانەوە دەسبەسەر کران.
ئاژانسی هەواڵدەریی کوردپا
