ستادی خەبەریی ئیدارەی ئیتلاعات لە نوێترین حاڵەتدا، گوشاری بۆ سەر بەڕێوەبەرانی کاناڵە تێلێگرامییەکان لە شاری بانە، کە هەواڵی پەیوەندیدار بە کوژران و برینداربوونی کۆڵبەران ڕووماڵ دەکەن، زیاد کردووە.
ئێوارەی ڕۆژی شەممە ١ی گەلاوێژ، هاووڵاتییەکی کورد بە ناوی "بەهرام مەحموودی" کوڕی ڕەحمان خەڵکی بانە، بەهۆی تەقەی هێزە نیزامییەکانی حکوومەتی لە سنووری "هەنگەژاڵـ"ـی ئەو شارە بریندار کرا.
ئەمڕۆ یەکشەممە ٢ی گەلاوێژ، مۆحسێن عەزیزی و خۆشناو عەینی، هەر کامیان بە دانانی بارمتەی ٢٠٠ ملیۆن تمەنی لە زیندانی شنۆ ئازاد کران.
ئەمڕۆ یەکشەممە ٢ی گەلاوێژ، هاووڵاتییەکی کورد بە ناوی "کاوە سلێمانپوور" خەڵکی گوندی "خوڕخوڕە"ی شاری مەهاباد بۆ جێبەجێکردنی ماوەی زیندانییەکەی ڕەوانەی زیندانی ئەو شارە کرا.
یووسف ڕەحمانی، خەڵکی شنۆ که لە یەکێک لە گرتنگە ئەمنییەتییەکانی ورمێ ڕاگیراوە لە چارەنووسی زانیارییەک ورد لەبەردەستدا نییە.
ئێوارەی ڕۆژی شەممە ١ی گەلاوێژ، کۆڵبەرێک بە ناوی "سەعدوڵڵا یوونسی" بەهۆی تەقەی هێزە نیزامییەکانی حکوومەتی لە سنووری بانە گیانی لەدەستدا و کۆڵبەرێکی دیکە بە ناوی "عەلی یوونسی" بە سەختی بریندار بوو.
ئێوارەی ڕۆژی هەینی ٣١ی پووشپەڕ، کۆڵبەرێکی کورد بە ناوی "ئەمیر" خەڵکی شاری بۆکان و دانیشتووی شاری بانە بە تەقەی هێزە نیزامییەکان لە سنووری "هەنگەژاڵ"، بە سەختی بریندار کرا.
ڕۆژی چوارشەممە ٢٩ی پووشپەڕ، "سیامەند کەرامەت (ئالانی)" هاووڵاتیی خەڵکی گوندی "سینگانـ"ـی شاری شنۆ بە دانانی بارمتەی ٥٠٠ ملیۆن تمەنی لە زیندانی ئەو شارە ئازاد کرا.
ڕۆژی هەینی ٣١ی پووشپەڕ، هاووڵاتییەکی کورد بە ناوی "ئەمیر ساڵحی" کوڕی ئیبراهیم خەڵکی شاری بانە، بەهۆی تەقینەوەی گوللـە تۆپێک لە پارێزگای سلێمانی لە هەرێمی کوردستان، گیانی لەدەست دا.
ڕۆژی پێنجشەممە ٣٠ی پووشپەڕ، سنوور تامارا، هاووڵاتیی خەڵکی کوردستانی باکوور لە زیندانی ورمێ ئازاد کرا.
ئاژانسی هەواڵدەریی کوردپا
