بەیانیی ڕۆژی سێشەممە ١١ی بانەمەڕی ١٤٠٣، حوکمی لەسێدارەدانی زیندانییەک بە ناوی "فەرامەرز مورادی"، کوڕی فەتاح و خەڵکی گوندی "هەرکیان" سەر بە ناوچەی شپیرانی سەڵماس، لە زیندانی ناوەندیی ئەردەبێڵ جێبەجێ کرا.
شەوی یەکشەممە ٩ی بانەمەڕی ١٤٠٣، دوو کۆڵبەری تەمەن ١٦ ساڵ بە ناوەکانی "پارسا حسێنی"، خەڵکی گوندی "بلبەزان" و "سەهەند"، خەڵکی گوندی "دەرەبەیان"، سەر بە پاوە، بەهۆی تەقەی هێزە نیزامییەکانی حکوومەتی لە سنووری بانە بریندار بوون.
لەگەڵ داواکاریی مەرەخەسیی "جەلیل مەولوودی"، زیندانیی سیاسیی خەڵکی بۆکان و بەندکراو لە زیندانی ورمێ، بۆ بەشداریکردنی لە ڕێوڕەسمی پرسە و سەرەخۆشیی دایکی دژایەتی کرا.
سەرلەبەیانیی ڕۆژی دووشەممە، ١٠ی بانەمەڕی ١٤٠٣، خالید ئەحمەدی، ئەندامی ئەنجومەنی سێنفیی مامۆستایانی کوردستان لەلایەن هێزە ئەمنییەتییەکانەوە دەسبەسەر کرا.
لە ڕۆژانی ڕابردوودا کچێکی تەمەن ٢١ ساڵ بە ناوی "نیلووفەر شامحەممەدنژاد"، خەڵكی سنە، لە ئاکامی توندوتیژیی خێزانی لە درێژەی ساڵانی ڕابردوودا و گرینگینەدانی یاسا و بێهزیستی بە دۆخی ناوبراو، بە پەنا بردن بۆ خۆکوژی کۆتایی بە ژیانی خۆی هێنا.
دوابەدوای لێدان و توندوتیژیی گاردی تایبەت دژی کەیوان ڕەشۆزادە، بەندکراوی سیاسیی سزادراو بە ٧ ساڵ و ٦ مانگ بەندکران و ڕاگواستنی بۆ ژووری تاکەکەسی و مانگرتنی ناوبراو لە خواردن لە ماوەی ١١ڕۆژی ڕابردوودا، ئێستا دایکی بە بڵاوکردنەوەی پەیامێکی…
ڕۆژی یەکشەممە، ٩ی بانەمەڕی ١٤٠٣، کۆڵبەرێک بە ناوی "مێهران بەهرامی" تەمەن ٢٥ ساڵ و خەڵکی سەقز بە تەقەی هێزە نیزامییەکانی حکوومەت لە سنووری "هەنگەژاڵ"ی بانە بریندار کرا.
٩ی بانەمەڕی ١٤٠٣؛ لە ماوەی ڕۆژانی ڕابردوودا هەواڵگەلێک سەبارەت بە دەرکرانی دەیان کەس لە کرێکارانی شارەداریی سەقز بڵاو کرایەوە کە هەندێ کەس ئەمەیان بە ئاکامی "گوشاری ناوەندە باڵادەستەکان" زانی و ژمارەیەکیش بە ناوی "دیاریی سەیروسەمەرەی…
دیار بەختیاری سەرا، کوڕی داوود و مەتین سیاهی کوڕی مستەفا و خەڵکی بۆکان، لە دەسبەسەرکراوانی بزووتنەوەی ژن، ژیان، ئازادی لەلایەن لقی ١٠١ی دادگای کەیفەری ٢ی بۆکانەوە بە بەندکرانی تەعزیری و لێدانی ٦٠ قامچیی تەعزیری سزا دران.
سەلمان ئۆلفەتی، مامۆستای خانەنشینکراو و چالاکی مەدەنیی خەڵکی شاری گیەڵان لە ڕۆژی چوارشەممە ٥ی بانەمەڕی ١٤٠٣وە، بە نیشانەی ناڕەزایەتی بە درێژەکێشانی ماوەی دەسبەسەرکرانەکەی لە گرتنگەی ئیتلاعاتی سپای کرماشاندا، مانی لە خواردن گرتووە.
ئاژانسی هەواڵدەریی کوردپا
