بە شێوەی نێونجی و لە سێ‌مانگی رابردۆوە هەتا ئێستا لە هەر 48 كاتژمێردا كۆڵبەرێكی سەر سنوورەكانی كوردستانی ئێران لەلایەن هێزە نیزامییەكانی حكوومەتی ئیسلامیی ئێرانەوە كوژراو یان بریندار بووە.
بە بۆنەی نزیك بوونەوە لە هەڵبژاردنەكانی مەجلیسی شۆرای ئیسلامیی ئێران، لە دوو مانگی رابردووە هەتا ئێستا ژمارەی بڵاڤۆكەكانی كوردستان روویان لە زیاد بوون كردووە.
بە نمایشی فیلمی سینەمایی "ماندوو" لە دەرهێنانی ئیبراهیم سەعیدی و هەروەها 4 كورتە فیلمی چیرۆكی، چوارەمین خولی فێستیڤاڵی فیلمی كوردیی سلێمانی لە هۆڵی تەواری شاری سلێمانی دەستی پێكرد.
رەخساندنی هەلی كار بۆ ژنان و كچان لە دووكان و فرۆشگاكانی كرماشان بە كەمترین مووچەوە ئەم رۆژانە بۆتە دیاردەیەكی ئاسایی و ئەم جۆرە روانینە بۆ ژنان جێگای نیگەرانیە.
لە حاڵی حازردا ئازەربایجانی رۆژئاوا بۆتە ناوەندێكی هەناردە كردنی مادەی سڕكەری نەریتی و لە هەمان كاتیشدا دەروازەی سەرەكیی هاوردەی مەوادی موخەدیری سەنعەتیە.
لە مریوان مۆڵەتی چاپ و بڵاو كردنەوەی گۆڤارێكی وەرزی بە دوو زمانی كوردی و فارسی بە ناوی "گەشە" وەرگیراوە و لە داهاتوودا دێتە بازاڕی فەرهەنگیی كوردستانەوە.
مێر منداڵێكی تەمەن 15 ساڵەی كورد خەڵكی گوندی پیرعومەران لە سەقز كۆتایی بە ژیانی خۆی هێناوە.
بە نیشان دانی كورتە فیلمی "بێ‌ئاوێنە" لە دەرهێنانی هەڵكەوت مستەفا، دووەمین خولی فیستیڤاڵی كورتە فیلمی نا بۆ توندوتیژی ئەمڕۆ لە شاری هەولێر دەستی پێكرد.
17 هاووڵاتیی شاری مەهاباد دوای تێپەڕینی زیاتر لە یەك حەفتە لە دەستبەسەر كرانیان، هەتا ئێستا چارەنووسیان ناڕوونە.
لە پارێزگای كوردستان هەتا ئێستا 255 ناوچەی سروشتی پەیدۆزی"شناسایی"كران كە بریتین لە: داری كۆن، ناوچەی سروشتیی تایبەتمەند و غار كە چوار بەرهەمیان لە لیستەی بەرهەمە میلییەكاندا تۆمار كراون.
ئاژانسی هەواڵدەریی کوردپا
