خەڵكی گوندی كانیمار لە پارێزگای كرماشان بە هۆی نەبوونی پردی پەڕینەوە بەسەر رووبارێكدا كە بەو گوندەدا تێدەپەڕێت، لەگەڵ كێشە و ئاریشەی هاتوچۆ بەرەوڕوو بوونەتەوە.
سەرۆكی هەرێمی كوردستان بە مەبەستی هەرچەشنە هەڕەشەی نیزامیی لەلایەن حكوومەتی ناوەندی عێراق و وڵاتانی دراوسێەوە، خوازیاری تەیار كردنی هێزی پێشمەرگەی هەرێمی كوردستان بوو.
بڕیارە مانگی خەرمانانی ئەمساڵ بە بەشداریی كۆمەڵێك لە توێژەران و زانایان و بیرمەندانی سەرانسەری جیهان، بە مەبەستی چارەسەریی كێشە و دەربازبوون لە قەیرانەكان كۆنفرانسی نێودەوڵەتیی گۆلی ورمێ لە زانكۆی ئەو شارە بەڕێوە بچێت.
حەفتەی رابردوو ئەسكەندەر جەعفەری چالاكی خوێندكاری و فەرهەنگیی كورد بەهۆی زەخت و گوشاری هێزە ئەمنیەتییەكانی حكوومەتی ئیسلامیی ئێران و بە تاوانی چالاكیی سیاسی و خوێندكاری بەناچاری وڵاتی بەجێ هێشت و لە هەرێمی كوردستان نیشتەجێ بوو.
مامۆستایەكی قوتابخانەكانی دەورووبەری شاری شنۆ كە ماوەی زیاتر لە 20 رۆژ لەمەوبەر لەلایەن هێزە ئیتلاعاتییەكانی حكوومەتی ئیسلامیی ئێرانەوە گیراوە، هەتا ئێستا چارەنووسی ناڕوونە.
یەكەمین كۆنفرانسی نێودەوڵەتیی شانۆ لەژێر ناوی " بۆچی شانۆ" بە بەشداریی شانۆكارانی جیهان و ناوخۆی هەرێمی كوردستان لە شاری هەولێر دەستی بە كارەكانی كرد.
دوو هاووڵاتیی دانیشتووی گەڕەكی "باخی شایگان"ی مەهاباد كە ماوەیەك لەمەوپێش لەلایەن ئیدارەی ئیتلاعاتەوە دەستبەسەر كرابوون، هیچ زانیارییەك لەمەڕ چارەنووسیان لەبەر دەستدا نیە.
مەسعوود بارزانی رایگەیاند، ئەگەر كێشەكانی بەغدا لەگەڵ هەرێمی كوردستان هەتا چەند مانگی دیكە یەكلایی نەكرێنەوە، ئەگەری ئەوە هەیە كورد رێفرانۆم رابگەیەنێت.
بوونی ئاوەڕۆ و پیسایی لە شەهرەکی ئیسلام ئابادی سەر بە شاری ورمێ و نەبوونی پڕۆژە و بەرنامەیەكی دروست، بۆتە مەترسییەك بۆ سەر تەندروستیی منداڵان.
پێنج زیندانیی مەحكووم بە ئیعدام لە زیندانی ورمێ بە بیانووی ئەوەی كە بە تەما بوون لە زیندان هەڵێن، لەلایەن مەئمووران و گاردی تایبەتی ئەو زیندانەوە بە توندی كەوتنە بە كوتان و لێدان.
ئاژانسی هەواڵدەریی کوردپا
