کۆمەڵێک لە چالاکانی سیاسی و مافە مەدەنییەکانی کوردستان لە دانیشتن لەگەڵ دوو کەسایەتیی رێفۆرمخوازدا، باسیان لە کێشە و بەربەستەکانی بەردەم پەرە سەندنی سیاسییان لە کوردستاندا کرد.
بەرپرسانی زانکۆی پەیامنووری مەریوان و هەروەها فەرمانداریی ئەو شارە، رێگرییان لە بەڕێوەچوونی کۆڕێکی خوێندکاری گرت و ئەوەش ناڕەزایەتیی خوێندکارانی لێ کەوتەوە.
بنەماڵەیەک لە سەڵماس لە (قەساس كردنەوەی) بكوژی كوڕەكەیان خۆش بوون و ئەو هاووڵاتییەیان لەپەتی سێدارە رزگار كرد.
لە ئەنجامی تەقینەوەی گوللـە خومپارەیەکی نەتەقیوی شەڕی ٨ ساڵەی نێوان ئێران و ئێراق ٥ قوتابیی کورد بە توندی بریندار بوون.
چالاکێکی کرێکاریی کورد لەلایەن دەزگای قەزایی حکوومەتی ئیسلامیی ئێرانەوە لە تاران، حوکمی ٤٢ مانگ زیندانیی تەعزیریی بۆ بڕایەوە.
لە تێکڕای شارەکانی ئێران و کوردستان و بە بەشداریی ژمارەیەکی بەرچاو لە مامۆستای قوتابخانەکان، مانگرتنی گشتی بەڕێوەچوو.
بۆ یەکەمجار لە دوای هاتنەسەر کاری حکوومەتی ئیسلامیی ئیران، لە یەکێک لە قوتابخانەکانی شاری سەقز، بە شێوەی فەرمی مۆڵەت بە وتنەوەی وانەی زمانی کوردی درا.
هێزە چەکدارەکانی سوپای پاسدارانی حکوومەتی ئیسلامیی ئێران لە سنووری سەردەشت، کۆڵبەرێکی کوردیان دایە بەر دەستڕێژی گوللـە و بەو هۆیەو ەگیانی لەدەست دا.
لە شاری مەریوان، ریوڕەسمێک بۆ ٢٤مین ساڵوەگەری دامەزرانی ئەنجومەنی فەرهەنگی ـ ئەدەبیی شاری مەریوان، یەکێک لە بە پێشینەترین ئەنجومەنە فەرهەنگییەکانی ئەو شارە، بەڕێوەچوو.
لاوێکی کوردی خەڵکی شاری سنە، کە لەلایەن مەئموورانی وەزارەتی ئیتلاعات لەو شارە دەستبەسەر کرابوو، بە سپاردنی بارمتە، بە شێوەی کاتی ئازاد کرا.
ئاژانسی هەواڵدەریی کوردپا
