چارەنووسی مامۆستایەکی کورد بە ناوی "فایەق شەریعەت پەنا" کوڕی "نەجمەدین"، تەمەن ٣٥ ساڵە و پێشنوێژی هەینیی گوندی "حاجیئاوا"ی ناوچەی چۆمی مەجیدخانی بۆکان، پاش مانگێک لە دەسبەسەرکرانی، ناڕوونە.
زیندانییەک بە ناوی "بێهرووز سۆهرابی" کوڕی "عەلی" خەڵکی بۆکان، بۆ ڕزگاربوون لە پەتی سێدارە، پێویستی بە یارمەتیی ماڵی هەیە.
بارودۆخی گشتیی کۆڵبەرێک بە ناوی "سەید عێزت تاهیری" کوڕی "ڕەحمان" خەڵکی شاری پیرانشار کە بە تەقەی هێزە نیزامییەکانی حکوومەت بەسەختی پێکرابوو، لە بەندی بێهداریی زیندانی ورمێ نالەبار ڕاگەیەندراوە.
لە ماوەی ڕۆژانی ڕابردوودا، هاووڵاتییەکی کورد بە ناوی "سدیق حەیدەری" تەمەن ٤٣ ساڵ و خەڵکی شاری ماکۆ، لە بەخشی سیلوانا سەر بە شاری ورمێ، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزراوە.
ڕۆژی یەکشەممە ١٦ی خەرمانان، دوو کۆڵبەری کورد بە ناوەکانی "سابیر و حەسەن وەیسی" خەڵکی ناوچەکانی "کڵاش و باوەجانی" و دانیشتووی شاری جوانڕۆ، بەهۆی ڕووداوی هاتوچۆوە بریندار بوون.
لاوێکی تەمەن ١٨ ساڵ بە ناوی "پەیمان خون کەبووتەر" بەهۆی ئازار و ئەشکەنجەی مەئموورانی زیندانی مەریوانەوە، دەستی شکا.
دیەی زیندانییەک بە تاوانی "قەتڵ" لە زیندانی ورمێ، بە ناوی "ئیبراهیم تاقە" کوڕی محەممەد خەڵکی شاری نەغەدە، لەلایەن خێرخوازان و چالاکانی مەدەنییەوە دابین کرا.
ڕۆژی هەینی ١٤ی خەرمانان، دوو هاووڵاتیی کورد بە ناوەکانی "سلێمان کەریمپوور و خالید محەممەدزادە ئەقەدەم" خەڵکی گوندی "خوڕخوڕە"ی شاری مەهاباد، لەلایەن هێزە ئەمنییەتییەکانەوە دەسبەسەر کران.
ڕۆژی دووشەممە ١٠ی خەرمانان، هاووڵاتییەکی کورد بە ناوی "بایەزید قادری چووپان" دانیشتووی نەغەدە و خەڵکی گوندی "سنجلە" سەر بە بەخشی لاجانی پیرانشار، لەلایەن هێزە ئەمنییەتییەکانەوە دەسبەسەر کرا.
کۆمەڵەی مافی مرۆڤی کوردستان - ژنێف، پێشوازیی لە ڕاپۆرتی نوێی "جاوید ڕەحمان"، ڕێپۆتێری تایبەتی مافی مرۆڤی ڕێکخراوی نەتەوەیەکگرتووەکان لە کاروباری ئێران لەمەڕ بارودۆخی مافی مرۆڤ لە ئێراندا کرد.
ئاژانسی هەواڵدەریی کوردپا
