لە درێژەی دەسبەسەریی هاووڵاتییان لە شای میاندوئاو، ڕۆژی پێنجشەممە ٩ی پووشپەڕ، هاوووڵاتییەکی کورد بە ناوی "مامەڵ ئازەربەرزین" خەڵکی گوندی "سەرچنار" لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ١٥ی پووشپەڕ، مەتین حەسەنوەند، زیندانیی سیاسیی خەڵکی شاری شنۆ، هەوڵی خۆکوژیدا و کۆتایی بە ژیانی خۆی هێنا.
ئەسکەندەر لوتفی، وتەبێژی شورای هاوئاهەنگی ڕێکخراوی سێنفیی فەرهەنگییانی ئێران و ئەندامی هەیئەتی بەڕێوەبەریی ئەنجومەنی سێنفیی مامۆستایانی کوردستان - مەریوان پاش تەواوبوونی ماوەی لێپرسینەوەکەی بۆ دابڕگەی زیندانی ئێڤین ڕاگوێزرا.
لقی ٣ی دادگای کەیفەریی ١ جێگیر لە شاری مەهاباد، بۆ ئازادکردنی کاتیی سۆعدا خەدیرزادە زیندانیی سیاسیی کورد خەڵکی شاری پیرانشار بارمتەی ٣ میلیارد تمەنی دیاری کردووە.
سەرەڕای تەواوبوونی درێژکردنەوەی ماوەی دەسبەسەریی "هیوا قورەیشی، ئومید شامحەممەدی، پەرویز ئەحسەنی و کاوە محەممەدزادە"، لە ئەندامانی ئەنجومەنی سێنفیی مامۆستایانی کوردستان- دیواندرە هێشتا لە گرتنگەی ئیدارەی ئیتلاعاتی سنە دان.
ئێوارەی ڕۆژی سێشەممە ١٤ی پووشپەڕ، کۆڵبەرێکی کورد بەناوی "ئیرەج مەهدەوی" خەڵکی گوندی "کلاشی لوولم" سەر بە شاری جوانڕۆ، بەهۆی تەقەی هێزە نیزامییەکان لە سنووری نەوسوود، پێکرا.
ڕۆژی پێنجشەممە ٩ی پووشپەڕ، هاووڵاتییەکی کورد بە ناوی "مەنسوور کەربەلایی" کوڕی محەممەد خەڵکی گوندی "سەرچنار"ی شاری میاندوئاو لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە ٩ی پووشپەڕ، دوو هاووڵاتیی کورد بە ناوەکانی "سەید سالار سەید ڕەحیمی" کوڕی سەید عەبدوڵڵا و "حەسەن ماملێئازەر" خەڵکی گوندی "گامێش گۆلیـ"ـی شاری میاندواو، لەلایەن هێزە ئەمنییەتییەکانەوە دەسبەسەر کران.
ئارش سادقی چالاکی مافی مرۆڤ لە تویتێری خۆیدا، باسی لە دەسبەسەرکردنی دوو ژن بە ناوی "ئارەزوو ڕەزایی و ئەعزەم میرانیان" کرد کە بەهۆی دزینی میترێک سیمی بەرق، لە شاری ئیلام دەسبەسەر کراون.
ڕۆژی یەکشەممە ١٢ی پووشپەڕ، هاووڵاتییەک بە ناوی "مەهدی ڕەسایی" تەمەن ٣٠ ساڵ کوڕی "مامەڕەشە"، خەڵکی گوندی "سەردۆشـ"ـی مەریوان، پاش بانگهێشتکردن بۆ ئیدارەی ئیتلاعاتی ئەو شارە، دەسبەسەر کرا.
ئاژانسی هەواڵدەریی کوردپا
